ପାଟଣା : କେନ୍ଦୁଝର ଜିଲ୍ଲା ଘଟଗାଁ ଥାନା ୨୦ ନମ୍ବର ଜାତୀୟ ରାଜପଥର ଢେଙ୍କିକୋଟ ବଜାର ନିକଟରେ ଘଟିଛି ମର୍ମନ୍ତୁଦ ସଡକ ଦୁର୍ଘଟଣା। ଏକ ବାଇକ୍ ଦ୍ରୁତ ଗତିରେ ଆସି କାରକୁ ଧକ୍କା ଦେଇ ୧୫ ଫୁଟ୍ ଉଚ୍ଚତାରେ ଛିଟିକି ପଡ଼ିଛି। ଦୁର୍ଘଟଣାରେ ବାଇକ୍ ଥିବା ଦୁଇଜଣ ଯୁବକଙ୍କ ଅବସ୍ଥା ସଂକଟାପନ୍ନ ରହିଛି। ଗୋଡ ଭାଙ୍ଗିବା ସହ ମୁଣ୍ଡରେ ଗଭୀର ଆଘାତ ଲାଗିଛି। ଯୁବକ ଦୁଇଜଣ ଘଟଗାଁ ଉପରଡିହା ଗ୍ରାମର ସାଗର ମୁଣ୍ଡା ଓ ଶିବ ମୁଣ୍ଡା ବୋଲି ଜଣାପଡ଼ିଛି। ଉଭୟ ଏକ ବାଇକରେ ସୀତାବିଞ୍ଜ ରଥଯାତ୍ରାରୁ ଘରକୁ ଦ୍ରୁତ ଗତିରେ ଫେରୁଥିବା ସମୟରେ କାର ସମ୍ମୁଖରେ ଧକ୍କା ଦେଇଥିଲେ । ଉଭୟଙ୍କୁ ଟୋଲଗେଟ୍ ଆମ୍ବୁଲାନ୍ସ ଯୋଗେ ଘଟଗାଁ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ସେଠାରୁ ତାଙ୍କୁ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି।
Comments are closed.