ସମ୍ବଲପୁର: ସମ୍ବଲପୁରର ଓଡ଼ିଶା ସାଂସ୍କୃତିକ ସମାଜ ପକ୍ଷରୁ ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ରାଜେନ୍ଦ୍ର ନାରାୟଣ ସିଂଦେଓ ଙ୍କ ୧୧୨ତମ ଜନ୍ମ ଜୟନ୍ତୀ ପାଳନ କରାଯାଇଛି। ଶୁକ୍ରବାର ସନ୍ଧ୍ୟାରେ ଉପ ସଭାପତି ଶିବ ନାରାୟଣ ପାଣିଗ୍ରାହୀଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ବକ୍ତା ରୂପେ ଡ. ଗୌରିଦାସ ପ୍ରଧାନ ତାଙ୍କର ବକ୍ତବ୍ୟ ରଖି କହିଥିଲେ ଯେ, ସେ ଜଣେ ଦୂରଦୃଷ୍ଟି ସମ୍ପନ୍ନ ବ୍ୟକ୍ତି ଥିଲେ। ସେ ସାମାଜିକ ପରିବର୍ଦ୍ଧନକୁ ଆକଳନ କରି ଭବିଷ୍ୟତ ପାଇଁ ସଠିକ କାର୍ଯ୍ୟପନ୍ଥା ନିର୍ଦ୍ଧାରଣ କରି ପାରୁଥିଲେ। ପରୋକ୍ଷରେ ତାଙ୍କ ଯୋଗୁଁ ହିଁ ଜବାହାରଲାଲ ନେହେରୁଙ୍କ ବଲାଙ୍ଗିର ଆଗମନ ହୋଇଥିଲା। ଓଡ଼ିଶାରେ ସେ ସମୟରେ ଏକ ମାତ୍ର ରାଜନୈତିକ ଦଳ ପଶ୍ଚିମ ଓଡ଼ିଶାରେ ଜନ୍ମ ନେବା ସହ ଏହାର ଚାବିକାଠି ମଧ୍ୟ ପଶ୍ଚିମ ଓଡ଼ିଶାରେ ରହିପାରିଥିଲା ବୋଲି ମୁଖ୍ୟ ବକ୍ତା ଡ. ପ୍ରଧାନ ଦର୍ଶାଇଥିଲେ। ଅନ୍ୟତମ ଆଲୋଚକ ଐତିହାସିକ ଦୀପକ କୁମାର ପଣ୍ଡା ରାଜେନ୍ଦ୍ର ନାରାୟଣ ପୋଷ୍ୟପୁତ୍ର ଭାବରେ ବଲାଙ୍ଗିର ଆଗମନ ଓ ତାଙ୍କ ସକାଶେ ହୋଇଥିବା ଉତ୍ସବ କିପରି ଭାବରେ ସମ୍ବଲପୁରର ସୋନପୁର ବଙ୍ଗଳାରେ ପାଳିତ ହୋଇଥିଲା, ତାହା ବିଷୟରେ ବିସ୍ତୃତ ଆଲୋଚନା କରିଥିଲେ। ସେ ଅତି ସରଳ ବ୍ୟବହାର ଦ୍ୱାରା ଅନ୍ୟ ନେତା ମାନଙ୍କୁ ପ୍ରଭାବିତ କରି କାର୍ଯ୍ୟ ହାସଲ କରି ପାରୁଥିଲେ। ବରିଷ୍ଠ ସଦସ୍ୟ ଅରବିନ୍ଦ ମହାପାତ୍ର ଓ ସୁରଞ୍ଜନ ମହାପାତ୍ର ମଧ୍ୟ ଆଲୋଚନାରେ ଭାଗ ନେଇଥିଲେ। ସମ୍ପାଦକ ଡ. ସିଦ୍ଧାର୍ଥ ପଣ୍ଡା ପ୍ରାରମ୍ଭିକ ସୂଚନା ପ୍ରଦାନ କରିଥିବା ବେଳେ ସହ ସମ୍ପାଦିକା ସୁରେଖା ସାହୁ ଶେଷରେ ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article