ଆଠଗଡ଼: ଆଠଗଡ଼ ବ୍ଲକ ଅନ୍ତର୍ଗତ ବାଳି ଗ୍ରାମର ଜଣେ ବ୍ୟକ୍ତିଙ୍କ ଶୟନ କକ୍ଷରେ ପସିଥିବା ଏକ ଚାରିଫୁଟ ଲମ୍ବର ନାଗସାପକୁ ଉଦ୍ଧାର କରାଯାଇଥିବା ଜଣାପଡ଼ିଛି। ବାଳି ଗ୍ରାମର ମୀନତି ବେହେରାଙ୍କ ଘରର ଶୟନ କକ୍ଷରେ ଏକ ନାଗସାପ ପସିଥିବା ଦେଖି ପରିବାର ଲୋକ ଖୁଣ୍ଟୁଣୀ ବନାଞ୍ଚଳ ଅଧିକାରୀଙ୍କ କାର୍ଯ୍ୟାଳୟକୁ ଜଣାଇଥିଲେ। ବନବିଭାଗରେ କେହି ସାପ ଧରାଳି ନଥିବାରୁ ବନବିଭାଗ ପକ୍ଷରୁ ଭୁବନେଶ୍ୱରସ୍ଥିତ ସ୍ନେକ ହେଲ୍ପଲାଇନ କାର୍ଯ୍ୟାଳୟକୁ ଯୋଗାଯୋଗ କରାଯାଇଥିଲା। ସ୍ନେକ ହେଲ୍ପଲାଇନ କାର୍ଯ୍ୟାଳୟରୁ ସୂଚନା ପାଇ ଆଠଗଡ଼ରେ ଥିବା ଉକ୍ତ ସଂସ୍ଥାର ସଦସ୍ୟ ତଥା ଅଭିଜ୍ଞ ସାପଧରାଳି ସୁଶାନ୍ତ କୁମାର ପାତ୍ର ତୁରନ୍ତ ବାଳି ଯାଇ ମୀନତିଙ୍କ ଶୟନ କକ୍ଷରୁ ୪ଫୁଟ ଲମ୍ବର ନାଗସାପକୁ ଉଦ୍ଧାର କରି ସୁରକ୍ଷିତ ଭାବେ ଜଙ୍ଗଲରେ ଛାଡି ଦେଇଥିଲେ।
Popular Categories
Previous article
Next article