ମାଲକାନଗିରି: ମାଲକାନଗିରି ଜିଲା ସୀମାନ୍ତ ଛତିଶଗଡ଼ର ବସ୍ତର ଅଞ୍ଚଳରେ ପୁଣି ନକ୍ସଲହିଂସା ଦେଖିବାକୁ ମିଳିଛି । ନକ୍ସଲମାନେ ଛତିଶଗଡ଼ର କୋଣ୍ଡାଙ୍ଗାବ ଜିଲାରେ ଏକ ବଡ଼ ଘଟଣା ଘଟାଇଛନ୍ତି । ମିଳିଥିବା ସୂଚନା ଅନୁଯାୟୀ ନକ୍ସଲମାନେ କୋଣ୍ଡାଙ୍ଗାବ ଜିଲାର ବୟନାର ପୁଲିସ ଥାନା ଅନ୍ତର୍ଗତ ଚେରଙ୍ଗ ଗ୍ରାମରେ ଥିବା ଏକ ଘରୋଇ କମ୍ପାନୀର ମୋବାଇଲ ଟାୱାରରେ ନିଆଁ ଲଗାଇ ପୋଡ଼ି ଦେଇଛନ୍ତି । ଏହି ଘଟଣା ପରେ ଆଖପାଖ ଅଞ୍ଚଳରେ ନେଟୱାର୍କ ସମସ୍ୟା ଦେଖାଦେଇଛି । ଗ୍ରାମବାସୀଙ୍କ କହିବା ଅନୁଯାୟୀ ବିଳମ୍ବିତ ରାତିରେ ବହୁ ସଂଖ୍ୟାରେ ସଶସ୍ତ୍ର ନକ୍ସଲ ଚେରଙ୍ଗ ଗ୍ରାମରେ ପହଞ୍ଚି ସେଠାରେ ଜିଓ କମ୍ପାନୀର ଏକ ମୋବାଇଲ ଟାୱାରର କଣ୍ଟ୍ରୋଲ ୟୁନିଟ ନିଆଁ ଲଗାଇ ଦେଇଥିଲେ । ଏହା ପରେ ଘଟଣାସ୍ଥଳରେ ନକ୍ସଲଦ୍ୱାରା ବ୍ୟାନର ଓ ପୋଷ୍ଟର ମାଧ୍ୟମରେ ଏହି ଘଟଣାଟି ବୟାନାର ଏରିଆ କମିଟି ମାଓବାଦୀ ସଂଗଠନ ଦ୍ୱାରା ପୋଡ଼ାଜଳା କରାଯାଇଥିବା ଲେଖାଯାଇଛି ।
Popular Categories
Previous article
Next article