ସମ୍ବଲପୁର: ସମ୍ବଲପୁରୀ ସଂସ୍କୃତିର ସଂରକ୍ଷଣ ପାଇଁ ସମ୍ବଲପୁର ଜେଲ ଛକ ପାଖରେ ୨୦୧୭ ମସିହାରେ ଗୁରୁ ସତ୍ୟନାରାୟଣ ସ୍ମୃତି ଉଦ୍ୟାନ ନିର୍ମାଣ କରାଯାଇଥିଲା। ଏହି ଉଦ୍ୟାନ ନିକଟରେ ପ୍ରତିବର୍ଷ ସମ୍ବଲପୁରୀ ଦିନ କାର୍ଯ୍ୟକ୍ରମ ଆୟୋଜିତ ହୋଇ ଆସୁଥିବା ବେଳେ ଏହା ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛି। ସ୍ମୃତି ଉଦ୍ୟାନ ସଂଲଗ୍ନ ଅଞ୍ଚଳରେ ରହିଥିବା ଜବରଦଖଲ ଗୁଡିକୁ ପ୍ରଶାସନ ପକ୍ଷରୁ ହଟାଯିବା ପରେ ଖାଲି ପଡ଼ିଥିବା ଖୋଲା ସ୍ଥାନରେ ଜନତାଙ୍କ ପାଇଁ ଏକ ସ୍ମୃତି ଉଦ୍ୟାନ ଓ ଏହାର ସଂଲଗ୍ନ ସ୍ଥାନରେ ୨ ଏକର ସ୍ଥାନକୁ ସାଂସ୍କୃତିକ କାର୍ଯ୍ୟକ୍ରମ ପାଇଁ ସଂରକ୍ଷିତ କରିବା ପାଇଁ ଜିଲାପାଳ ଙ୍କୁ ଅନୁରୋଧ କରାଯାଇଛି। ଖାଲି ଥିବା ସ୍ଥାନରେ ଏକ ଖୋଲା ମଞ୍ଚ ନିର୍ମାଣ କରାଗଲେ ସବୁ ପ୍ରକାରର ସାଂସ୍କୃତିକ କାର୍ଯ୍ୟକ୍ରମ ସହିତ ସମ୍ବଲପୁରୀର ପ୍ରଚାର ପ୍ରସାର ପାଇଁ ମଧ୍ୟ କାର୍ଯ୍ୟକ୍ରମ ଆୟୋଜିତ ହେବ ବୋଲି ପଶ୍ଚିମାଞ୍ଚଳ ଏକତା ମଞ୍ଚ ପକ୍ଷରୁ ଦାବି କରାଯାଇଛି। ଏହି ମର୍ମରେ ଶୁକ୍ରବାର ଜିଲାପାଳଙ୍କୁ ସାକ୍ଷାତକାର କରି ଦାବିପତ୍ର ପ୍ରଦାନ ସହିତ ଆଲୋଚନା ସମୟରେ ମଞ୍ଚର ଆବାହକ ଭବାନୀଶ ଭୋଇ, ମୁଖ୍ୟ ସଂଯୋଜକ ମାନସ ରଞ୍ଜନ ବକ୍ସୀ ଓ କାର୍ଯ୍ୟକ୍ରମ ସଂଯୋଜକ ଡ. ପ୍ରମୋଦ ରଥ ପ୍ରମୁଖ ଉପସ୍ଥିତ ରହିଥିଲେ।
Popular Categories
Previous article
Next article