ଆଠଗଡ଼: ବ୍ରହ୍ମପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଧିନ ମେଘା ସେକ୍ଟରର ସମୁହ ଗାଁ କଲ୍ୟାଣ ସମିତି ଓ ଧାଇପୁର ଆରୋଗ୍ୟ ଉପକେନ୍ଦ୍ରର ମିଳିତ ଆନୁକୁଲ୍ୟରେ ବୁଧବାର ଆନ୍ତର୍ଜାତୀୟ ମହିଳା ଦିବସ ଅବସରରେ ଏକ ସଚେତନଧର୍ମୀ ସାଇକେଲ ଶୋଭାଯାତ୍ରା ଅନୁଷ୍ଟିତ ହୋଇଯାଇଛି। ଏହି ଅବସରରେ ଆୟୋଜିତ ସଚେତନତା ସଭାକୁ ସଂଯୋଜନା କରି ବରିଷ୍ଠ ବହୁମୁଖୀ ସ୍ୱାସ୍ଥ୍ୟ ପରିଦର୍ଶକ ମହମ୍ମଦ ଅସଲମ ସଶକ୍ତ ସମାଜ ଗଠନ ଦିଗରେ ମହିଳାଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ମତବ୍ୟକ୍ତ କରିଥିଲେ। ‘ସୁସ୍ଥ ମହିଳା, ସୁସ୍ଥ ଓଡ଼ିଶା, ସୁସ୍ଥ ଭାରତ’ର ବାର୍ତ୍ତା ନେଇ ଝିଅ ଓ ମହିଳାମାନେ ଏକ ସାଇକେଲ ଶୋଭାଯାତ୍ରାରେ ଧାଇପୁର ଓ ଗଦାଧରପୁର ଗ୍ରାମ ପରିକ୍ରମା କରିଥିଲେ। ମହିଳାମାନେ ମାନସିକ ସୁସ୍ଥ ରହିଲେ ପରିବାର ଓ ସମାଜ ସୁସ୍ଥ ରହିପାରିବ ବୋଲି ଶ୍ରୀ ଅସଲମ ବୁଝାଇଥିଲେ। ଏହି କାର୍ୟ୍ୟକ୍ରମରେ ସ୍ୱାସ୍ଥ୍ୟକର୍ମୀ ପୁଷ୍ପାଞ୍ଜଳି ପ୍ରଧାନ, ସିଏଚଓ ଜ୍ୟୋସ୍ନାରାଣୀ ମହାନ୍ତି, ଅଙ୍ଗନବାଡି କର୍ମୀ ଶୁଭଲକ୍ଷ୍ମୀ ରାଉତ, ଆଶାକର୍ମୀ ପୁଷ୍ପଲତା ସାହୁ, ସଂଗୀତା ରାଉତ, ବନୀତା ରାଉତ, ଆରତୀ ବେଉରାଙ୍କ ସମେତ ମିଶନଶକ୍ତିର ମହିଳା, ବିଦ୍ୟାଳୟ, ମହାବିଦ୍ୟାଳୟ ଓ ଗ୍ରାମର କିଶୋରୀମାନେ ଏହି ସଚେତନତା କାର୍ୟ୍ୟକ୍ରମରେ ଯୋଗଦାନ କରିଥିଲେ।
Popular Categories
Previous article
Next article