ଆଠଗଡ଼: ଆଠଗଡ଼ର ଗୋପବନ୍ଧୁ ମହିଳା ଉଚ୍ଚମାଧ୍ୟମିକ ବିଦ୍ୟାଳୟର ଏନଏସଏସ ପକ୍ଷରୁ ଗୁରୁବାର ଆନ୍ତର୍ଜାତୀୟ ମହିଳା ଦିବସ ପାଳିତ ହୋଇଯାଇଛି। ଏହି ଅବସରରେ ଏନଏସଏସ ଯୋଜନା ଅଧିକାରିଣୀ ଅଧ୍ୟାପିକା ସ୍ମିତା ମହାପାତ୍ରଙ୍କ ଦ୍ୱାରା ସଂପାଦିତ ଏବଂ ବିଶିଷ୍ଟ କବୟିତ୍ରୀ ସ୍ୱର୍ଗତ ମନୋରମା ମହାପାତ୍ରଙ୍କୁ ଉତ୍ସର୍ଗୀକୃତ ପ୍ରାଚୀର ପତ୍ରିକା ‘ସଂପୂର୍ଣ୍ଣା’ କୁ ମୁଖ୍ୟଅତିଥି ଭାବେ ଯୋଗଦେଇଥିବା କଲେଜର ପୂର୍ବତନ ଅଧ୍ୟକ୍ଷା ମମତା ମିଶ୍ର ଉନ୍ମୋଚିତ କରିଥିଲେ। ପରେ ପରେ ଅଧ୍ୟକ୍ଷା ସଂଯୁକ୍ତା ମହାପାତ୍ରଙ୍କ ପୌରୋହିତ୍ୟରେ ଆୟୋଜିତ ସଭାରେ ନାରୀ ହିିଁ ସକଳ ଶକ୍ତିର ଆଧାର ଓ ପ୍ରେରଣାର ଉତ୍ସ ବୋଲି ମୁଖ୍ୟଅତିଥି ଶ୍ରୀମତୀ ମିଶ୍ର ପ୍ରକାଶ କରିଥିଲେ। ଆଜିର ସମାଜରେ ନାରୀ କେତେ ସୁରକ୍ଷିତ ତାହା ସମୀକ୍ଷାର ବିଷୟ ବୋଲି ଶ୍ରୀମତୀ ମିଶ୍ର କହିବା ସହ ଦେଶରେ ନିର୍ଭୟା ହତ୍ୟାକାଣ୍ଡ ଭଳି ଲଜ୍ଜାଜନକ ଘଟଣା ଆଦୌ ଗ୍ରହଣୀୟ ନୁହେଁ ବୋଲି ମତବ୍ୟକ୍ତ କରିଥିଲେ। ବିଶ୍ୱ ତଥା ଭାରତ ବର୍ଷରେ ନାରୀ ବିଭିନ୍ନ କ୍ଷେତ୍ରରେ ବେଶ୍ ପାରଦର୍ଶିତା ପ୍ରଦର୍ଶନ କରି ପୁରୁଷଙ୍କଠାରୁ କୌଣସି ଗୁଣରେ କମ୍ ନୁହଁନ୍ତି ଏବଂ ରାଷ୍ଟ୍ରପତି ଦୌପଦୀ ମୁର୍ମୁଙ୍କ ଉଦାହରଣ ଦେଇ କହିଥିଲେ। ପ୍ରାଧ୍ୟାପିକା ଡଃ ସ୍ନେହଲତା ତ୍ରିପାଠୀ ଭାରତୀୟ ସଂସ୍କୃତିରେ ନାରୀ ଶବ୍ଦର ଅର୍ଥ ଓ ସଂସ୍କୃତ ଶାସ୍ତ୍ରଗୁଡିକରେ ନାରୀର ମହତ୍ତ୍ୱ ବିଷୟରେ ଥିବା ଆଲେଖ୍ୟ ସଂପର୍କରେ ଅବତାରଣା କରିଥିଲେ। କେତେକ ସ୍ୱେଚ୍ଛାସେବୀ ଛାତ୍ରୀ ମଧ୍ୟ ମହିଳା ଦିବସ ଉପରେ ନିଜର ବକ୍ତବ୍ୟ ରଖିବା ସହିତ ସାଂସ୍କୃତିକ କାର୍ୟ୍ୟକ୍ରମ ପରିବେଷଣ କରିଥିଲେ। ଏହି କାର୍ୟ୍ୟକ୍ରମରେ କଲେଜର ସମସ୍ତ ଅଧ୍ୟାପିକା, କର୍ମଚାରୀ ଓ ଛାତ୍ରୀମାନେ ଯୋଗ ଦେଇଥିଲେ।
Popular Categories
Previous article
Next article