ଆଠଗଡ: ଆଠଗଡ ଅଞ୍ଚଳର ଅନ୍ୟତମ ଅଗ୍ରଣୀ ସ୍ୱେଚ୍ଛାସେବୀ ଅନୁଷ୍ଠାନ ‘ଜଷ୍ଟ ଫର ଇୟୁ’ ପକ୍ଷରୁ ଅଟ୍ଟାଳି ଜଗନ୍ନାଥଙ୍କ ବାହୁଡା ଯାତ୍ରାରେ ସେବା କାର୍ଯ୍ୟ କରାଯାଇଛି। ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ସଂଗଠନର ପ୍ରତିଷ୍ଠାତା ସଭାପତି ସମାଜସେବୀ ସୁଧାଂଶୁ ଶେଖର ସାହୁ, ସମ୍ପାଦକ ପାୟଲ ବର୍ମାଙ୍କ ସମେତ ସମସ୍ତ କର୍ମକର୍ତ୍ତା ଓ ସଭ୍ୟ ବାହୁଡା ଯାତ୍ରା ଅବସରରେ ଶାନ୍ତିଶୃଙ୍ଖଳା ରକ୍ଷା ସହିତ ପୁଲିସ ବାହିନୀକୁ ସହଯୋଗ କରିଥିଲେ।
ଏଥିସହିତ ବାହୁଡା ଯାତ୍ରା ପରେ ପରେ ସଂଗଠନର ଉପଦେଷ୍ଟା ଲକ୍ଷ୍ମୀନାରାୟଣ ଭଞ୍ଜଙ୍କ ନେତୃତ୍ବରେ ଜଗନ୍ନାଥ ମନ୍ଦିର ପରିସରରେ ଆନନ୍ଦ ବଜାର ମାଧ୍ୟମରେ ଶହ ଶହ ଶ୍ରଦ୍ଧାଳୁଙ୍କ ନିମନ୍ତେ ପ୍ରସାଦ ବଣ୍ଟନ ବ୍ୟବସ୍ଥା କରାଯାଇଥିଲା।
