ଗୋପାଳପୁର: ବ୍ରହ୍ମପୁର ବିଶ୍ବବିଦ୍ୟାଳୟ କ୍ରୀଡ଼ା ପରିଷଦ ପକ୍ଷରୁ ବ୍ୟାଡ଼ମିଣ୍ଟନ ମହିଳା ଦଳ ସମ୍ବଲପୁର ଗସ୍ତ କରିଛନ୍ତି। ସମ୍ବଲପୁର ବିଶ୍ବବିଦ୍ୟାଳୟରେ ଚଳିତ ମାସ ୨୨ ଠାରୁ ୨୫ ତାରିଖ ପର୍ଯ୍ୟନ୍ତ ହେବାକୁ ଥିବା ପୂର୍ବାଞ୍ଚନ ଅନ୍ତଃ ବିଶ୍ବବିଦ୍ୟାଳୟ ବ୍ୟାଡ଼ମିଣ୍ଟନ ପ୍ରତିଯୋଗିତାରେ ଏହି ଦଳ ଅଂଶ ଗ୍ରହଣ କରିବେ। ଦଳରେ ବାଲିଗୁଡାର ଆଦିବାସୀ କଲେଜର ଡଲିନା ପ୍ରଧାନ, ଅଲିଭା ସେନେଲି ପ୍ରଧାନ, ଛତ୍ରପୁର ମହିଳା ମହାବିଦ୍ୟାଳୟର ସ୍ମୃତି ରାଣୀ ପଟ୍ଟନାୟକ ରହିଥିବା ବେଳେ କୋଚ, ମ୍ୟାନେଜର ଭାବେ ଚିକିଟି ମହାବିଦ୍ୟାଳୟର ଅଧ୍ୟାପକ ଅଲେଖ ଚନ୍ଦ୍ର ସେଠୀ ଦଳରେ ଗସ୍ତ କରିଛନ୍ତି। କ୍ରୀଡ଼ା ପରିଷଦ ପକ୍ଷରୁ କୁଳପତି ପ୍ରଫେସର ଗୀତାଞ୍ଜଳି ଦାଶ, ସମ୍ପାଦକ ଡ଼. ସାରଦା ପ୍ରସାଦ ସାହୁ, ରାଜେଶ କୁମାର ମହାନ୍ତି, ପ୍ରଫେସର ସୁବାଷ ଚନ୍ଦ୍ର ପରିଡ଼ା, ରବି ମିଶ୍ର, ଦୀପକ ତିବରବାଲ ପ୍ରମୁଖ ଶୁଭେଚ୍ଛା ଜଣାଇଛନ୍ତି।
Comments are closed.