ଲାଞ୍ଜିଗଡ: କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକ ଲାଞ୍ଜିଗଡ ଏବଂ ବିଶ୍ୱନାଥପୁର ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର ଠାରେ ଆୟୁଷ୍ମାନ ଆରୋଗ୍ୟ ଶିବିର ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମକୁ ଲାଞ୍ଜିଗଡ ବ୍ଲକ ମେଡିକାଲ ଅଫିସର ଭବାନୀ ଶଙ୍କର ଲେଙ୍କାଙ୍କ ତତ୍ୱାବଧାନରେ ଆୟୋଜିତ ଶିବିରରେ ଶୁକ୍ରବାର ବ୍ଲକ ମୁଖ୍ୟାଳୟ ବିଶ୍ୱନାଥପୁର ସିଏଚସି ଠାରେ ଅନୁଷ୍ଠିତ ହୋଇଥିବା ବେଳେ ଶନିବାର ଲାଞ୍ଜିଗଡ ସିଏଚସି ଠାରେ ଅନୁଷ୍ଠିତ ହୋଇଥିଲା। ଏହି ପରିପେକ୍ଷୀରେ ଲାଞ୍ଜିଗଡ ବ୍ଲକ ସ୍ୱାସ୍ଥ୍ୟ ବିଭାଗ ତରଫରୁ ଏକ ସପ୍ତାହ ପୂର୍ବରୁ ବ୍ଲକ ଅଞ୍ଚଳରେ ସୂଚନା ଦିଆଯାଇଥିଲା। ଶୁକ୍ରବାର ବିଶ୍ୱନାଥପୁର ସିଏଚସି ଠାରେ ସ୍ତ୍ରୀ ଓ ପ୍ରସୂତି ବିଶେଷଜ୍ଞ ଡ଼.ଆଶିଷ କୁମାର ଧାରୁଆ ଏହି ଶିବିରଟିକୁ ଉଦ୍ଘାଟନ କରିବାସହ ବ୍ଲକ ଅଞ୍ଚଳର ବିଭିନ୍ନ ପଞ୍ଚାୟତରୁ ଆସିଥିବା ୬୬ ଜଣ ମହିଳାଙ୍କ ସ୍ୱାସ୍ଥ୍ୟ ପରୀକ୍ଷା କରିଥିଲେ। ଏହି ପରିପେକ୍ଷୀରେ ସିଏଚସି ପକ୍ଷରୁ ବିପିଏମ ମାନସ ନୟନ ସ୍ୱାଇଁ, ପିଏଚଇଓ ଦିବାକର ପ୍ରଧାନ, ବିଏଏମ ମିତ୍ରଭାନୁ ଦାସ, ବିଡିଏମ ମକରଧ୍ବଜ ନାଏକ, ବିଜୟଶ୍ରୀ ମଲ୍ଲିକ, ଜୟବ ନାଏକ, ସୌମ୍ୟ ରଞ୍ଜନ ନାଗ ପ୍ରମୁଖ କରିଥିଲେ। ସେହିପରି ଆଜି ଶନିବାର ଲାଞ୍ଜିଗଡ ସିଏଚସି ଠାରେ ସ୍ତ୍ରୀ ଓ ପ୍ରସୂତି ବିଶେଷଜ୍ଞ ଡ଼. ଭବାନୀ ଶଙ୍କର ମହାନ୍ତି ବିଭିନ୍ନ ପଞ୍ଚାୟତରୁ ଆସିଥିବା ୨୭ ଜଣ ମହିଳାଙ୍କ ସ୍ୱାସ୍ଥ୍ୟ ପରୀକ୍ଷା କରିଥିଲେ। ଏହି କାର୍ଯ୍ୟକ୍ରମରେ ଟୁନା ପାଣିଗ୍ରାହୀ, ତପନ କୁମାର ସାହୁ, ସୁଚିତ୍ର ନାଗ, ନୀଳିମା ଡୁଙ୍ଗଡୁଙ୍ଗ, ଗୋବିନ୍ଦ ନାଏକ, ଡମ୍ବରୁଧର ନାଏକ ପ୍ରମୁଖ ସହଯୋଗ କରିଥିଲେ।
Comments are closed.