ପାଟଣା: କେନ୍ଦୁଝର ସାଂସଦ ଅନନ୍ତ ନାୟକଙ୍କୁ ଅନୁସୂଚିତ ଜାତି ଓ ଜନଜାତି କଲ୍ୟାଣ ସମ୍ପର୍କିତ ସଂସଦୀୟ କମିଟିରେ ସଦସ୍ୟ କରାଯାଇଛି। ଲୋକସଭା ବାଚସ୍ପତି ଓମ ବିର୍ଲା ୨୦୨୪-୨୫ ବର୍ଷ ପାଇଁ ଗଠିତ କରିଥିବା ଏହି କମିଟିରେ ଶ୍ରୀ ନାୟକଙ୍କୁ ସାମିଲ କରିଛନ୍ତି। ଶ୍ରୀ ନାୟକ ଓଡିଶାର ଏକ ମାତ୍ର ସାଂସଦ ଭାବେ ଏହି ସଂସଦୀୟ କମିଟିରେ ସଦସ୍ୟ ଭାବେ ମନୋନୀତ ହୋଇଛନ୍ତି। ଲୋକସଭା ସଚିବାଳୟ ପକ୍ଷରୁ ଏ ସମ୍ପର୍କରେ ବିଧିବଦ୍ଧ ଭାବେ ଘୋଷଣା କରାଯାଇଛି। ପୂର୍ବତନ କେନ୍ଦ୍ର ମନ୍ତ୍ରୀ ଫଗନ ସିଂହ କୁଲସ୍ତେଙ୍କୁ ଏହି କମିଟିର ଅଧ୍ୟକ୍ଷ ଭାବେ ଘୋଷିତ କରାଯାଇଥିବା ବେଳେ ଏହି କମିଟିରେ ଉଭୟ ଲୋକସଭା ଓ ରାଜ୍ୟସଭାର ମୋଟ ୩୦ ଜଣ ସଦସ୍ୟ ଅଛନ୍ତି। ଏହି ସଂସଦୀୟ କମିଟିରେ ସଦସ୍ୟ ଭାବେ ମନୋନୀତ କରିଥିବାରୁ କେନ୍ଦୁଝର ସାଂସଦ ଅନନ୍ତ ନାୟକ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଲୋକସଭାର ବାଚସ୍ପତି ଓମ ବିର୍ଲାଙ୍କୁ ଧନ୍ୟବାଦ ଜଣାଇଛନ୍ତି।
Popular Categories
Previous article
Next article