ସମ୍ବଲପୁର: ସ୍ଥାନୀୟ ଭତରା ସ୍ଥିତ ସ୍ୱପ୍ନେଶ୍ୱର ନଗର ଠାରେ ରହୁଥିବା ବାସିନ୍ଦା ମାନେ ଉକ୍ତ ଅଞ୍ଚଳର ଜେନା ଗଳିକୁ ଯାଉଥିବା ରାସ୍ତାକୁ ନିଗମ କର୍ତୃପକ୍ଷ ଅଧା ନିର୍ମାଣ କରି ବନ୍ଦ କରି ଦେଇଛନ୍ତି। ଫଳରେ ଉକ୍ତ ଅଞ୍ଚଳକୁ ପ୍ରବେଶ କରିବାର ମୁଖ୍ୟ ରାସ୍ତା ସମ୍ମୁଖରେ ଏକ କ୍ଷୁଦ୍ର ପୋଖରୀ ସୃଷ୍ଟି ହୋଇ ଜଳ ଜମି ରହୁଛି। ଏଣୁ ପ୍ରତି ଦିନ ଲୋକେ ଯାତାୟାତରେ ଅନେକ ଅସୁବିଧା ଭୋଗ କରୁଥିବା ବେଳେ ସମସ୍ୟାର ସମାଧାନ ପାଇଁ ନିଗମ କର୍ତୃପକ୍ଷଙ୍କୁ ବାରମ୍ବାର ଜଣାଇବା ସତ୍ୱେ କିଛି ଫଳ ମିଳୁନାହିଁ। ଅପରପକ୍ଷରେ ଅଞ୍ଚଳବାସୀଙ୍କ ପକ୍ଷରୁ ହୋଇଥିବା ଅଭିଯୋଗ ଅନୁଯାୟୀ, ଏହି ରାସ୍ତା ନିର୍ମାଣ ପାଇଁ ୫ ଲକ୍ଷ ଟଙ୍କା ମଞ୍ଜୁର ହୋଇଥିବା ବେଳେ ଅଧା ରାସ୍ତା ନିର୍ମାଣ କରି କାହା ସ୍ୱାର୍ଥରେ ବିନା କ୍ଷେତ୍ର ପରିଦର୍ଶନ କରି ଟଙ୍କା ପଇଠ କରାଯାଇଛି, ତାହା ଜାଣି ହେଉନାହିଁ। ଅଞ୍ଚଳବାସୀ ପ୍ରାୟ ୩୦ ବର୍ଷ ହେବ ଏହି ଅଞ୍ଚଳରେ ରହି ଆସୁଥିବା ବେଳେ ଦୀର୍ଘ ବର୍ଷର ଦାବି ପରେ ରାସ୍ତା ନିର୍ମାଣ କାର୍ଯ୍ୟ କରାଯାଇଥିବା ବେଳେ ତାକୁ ଅଧା ଅପନ୍ତରିଆ କରି ଛାଡି ଦିଆଯାଇଛି। ଫଳରେ ରାସ୍ତା ସମ୍ମୁଖରେ ପୋଖରୀ ଭଳି ପାଣି ଜମା ହେଉଥିବାରୁ ଯାତାୟାତ କରିବା ସମୟରେ ବେଶ ଅସୁବିଧା ହେବା ସହିତ ବରିଷ୍ଠ ନାଗରିକ ମାନେ ଯାତାୟାତ କରି ପାରୁ ନାହାନ୍ତି।
Popular Categories
Previous article
Next article