ସମ୍ବଲପୁର: ମୁଖ୍ୟମନ୍ତ୍ରୀଙ୍କ ଜନଶୁଣାଣି କାର୍ଯ୍ୟକ୍ରମ ପ୍ରଥମ କରି ରାଜଧାନୀ ଭୁବନେଶ୍ୱରରୁ ବାହାରେ ସମ୍ବଲପୁରରେ ସୋମବାର ସକାଳ ସମୟରେ ଆୟୋଜିତ ହେବାକୁ ଯାଉଛି। ଏହି ଜନଶୁଣାଣି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ସମେତ ଉପ ମୁଖ୍ୟମନ୍ତ୍ରୀ କନକବର୍ଦ୍ଧନ ସିଂଦେଓ, ରାଜସ୍ୱ ମନ୍ତ୍ରୀ ସୁରେଶ ପୂଜାରୀ, ପଞ୍ଚାୟତିରାଜ ମନ୍ତ୍ରୀ ରବି ନାରାୟଣ ନାଏକ, ବିଧାୟକ ଜୟନାରାୟଣ ମିଶ୍ରଙ୍କ ସମେତ ଅନ୍ୟ ମାନେ ସାମିଲ ହେବେ। ଏଥି ପାଇଁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଓ ମନ୍ତ୍ରୀ ମାନେ ରବିବାର ସମ୍ବଲପୁରରେ ପହଂଚିବା ପରେ ଆଜି ସନ୍ଧ୍ୟାରେ ମାଁ ସମଲେଶ୍ୱରୀଙ୍କ ଦର୍ଶନ କରିଥିଲେ। ଆଜି ସନ୍ଧ୍ୟା ଆଳତୀରେ ସାମିଲ ହେବା ପରେ ମୁଖ୍ୟମନ୍ତ୍ରୀ ଶ୍ରୀ ମାଝୀ ଓ ମନ୍ତ୍ରୀ ମଣ୍ଡଳର ସଦସ୍ୟ ମାନେ ମନ୍ଦିର ପରିସର ବୁଲି ଦେଖିବା ସହିତ କିଛି ସମୟ ବିତାଇ ଥିଲେ। ଏହି ଅବସରରେ କାର୍ଯ୍ୟକାରୀ ହେଉଥିବା ସମଲେଇ ପ୍ରକଳ୍ପର ଦ୍ୱିତୀୟ ଫେଜ କାମ ସମ୍ପର୍କରେ ମଧ୍ୟ ପଚାରି ବୁଝିଥିଲେ।
Popular Categories
Previous article
Next article