ଟୋକିଓ: ଆଜି ଟୋକିଓ ଅଲିମ୍ପିକ୍ସରେ ନୂଆ ଇତିହାସ ସୃଷ୍ଟି କରିଛନ୍ତି ଆଥଲେଟକ୍ସ ନୀରଜ ଚୋପ୍ରା। ଜାଭଲିନ ଥ୍ରୋରେ ଭାରତକୁ ମିଳିଲା ସ୍ବର୍ଣ୍ଣ ପଦକ। ନୀରଜ ଚୋପ୍ରାଙ୍କୁ ମିଳିଲା ଅଲିମ୍ପିକ୍ସରେ ସ୍ବର୍ଣ୍ଣ ପଦକ। ଏକମାତ୍ର ଭାରତୀୟ ଭାବେ ଟୋକିଓ ଅଲିମ୍ପିକ୍ସରେ ସ୍ବର୍ଣ୍ଣ ପଦକ ଜିତିଲେ ନୀରଜ ଚୋପ୍ରା। ପ୍ରଥମ ଉଦ୍ୟମରେ ୮୭.୦୩ ମିଟର ଫିଙ୍ଗିଥିଲେ। ଦ୍ବିତୀୟ ଉଦ୍ୟମରେ ୮୭.୫୮ ମିଟର ଫିଙ୍ଗିଲେ। ତୃତୀୟ ଉଦ୍ୟମରେ ୭୬.୭୯ ମିଟର ଫିଙ୍ଗିଥିଲେ। ଫାଇନାଲରେ ୮୭.୫୮ ମିଟର ଫିଙ୍ଗି ସ୍ବର୍ଣ୍ଣ ପଦକ ଜିତିଲେ ନୀରଜ ଚୋପ୍ରା। ନୀରଜଙ୍କ ସ୍ବର୍ଣ୍ଣକୁ ମିଶାଇ ଭାରତର ପଦକ ସଂଖ୍ୟା ୭କୁ ବୃଦ୍ଧି ପାଇଛି।
ଟୋକିଓରେ ଭାରତର ସର୍ବଶ୍ରେଷ୍ଠ ଅଲିମ୍ପିକ୍ସ ପ୍ରଦର୍ଶନ ହୋଇଛି। ଅଲିମ୍ପିକ୍ସରେ ନୂଆ କୀର୍ତ୍ତିମାନ ସ୍ଥାପନ କଲେ ନୀରଜ ଚୋପ୍ରା। ପଦକ ଜିତିବାରେ ନୀରଜ ପ୍ରଥମ ଭାରତୀୟ ଆଥଲେଟ। ଟ୍ରାକ ଆଣ୍ଡ ଫିଲ୍ଡରେ ପ୍ରଥମ ଭାରତୀୟ ଭାବେ ପଦକ ଜିତିଲେ। ସ୍ବାଧୀନ ଭାରତର ପ୍ରଥମ ଆଥଲେଟ୍ସ ଭାବେ ପଦକ ଜିତିଲେ। ନୀରଜଙ୍କ ଏଭଳି ଐତିହାସିକ ବିଜୟ ପରେ ତାଙ୍କୁ ଶୁଭେଚ୍ଛା ଜଣାଇଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ
