ଚେନ୍ନାଇ: ସାଉଥ ସିନେମା ଜଗତର ସୁପରଷ୍ଟାର କମଲ ହାସନଙ୍କ ସୁଟିଂ ସେଟରେ ଦୁର୍ଘଟଣା ଘଟିଛି। ଏଥିରେ ୩ ଜଣଙ୍କ ମୃତ୍ୟୁ ହୋଇଛି ଏବଂ ୧୦ ଜଣ ଆହତ ହୋଇଛନ୍ତି। କମଲ ହାସନଙ୍କ ଆଗାମୀ ଫିଲ୍ମ ‘ଇଣ୍ଡିଆନ-୨’ର ସୁଟିଂ ପାଇଁ ଚେନ୍ନାଇରେ ଏକ ସେଟ ନିର୍ମାଣ କରାଯାଉଥିଲା। ଏହି ନିର୍ମାଣାଧୀନ ସେଟରେ କ୍ରେନ ଖସି ପଡିବାରୁ ଦୁର୍ଘଟଣା ଘଟିଛି। ବୁଧବାର ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଛି।
ଦୁର୍ଘଟଣାରେ ସହଯୋଗୀ ନିର୍ଦେଶକ କୃଷ୍ଣ, ନିର୍ଦେଶକ ଶଙ୍କର ଙ୍କ ବ୍ୟକ୍ତିଗତ ସହଯୋଗୀ ଏବଂ ଅନ୍ୟ ଜଣେ କର୍ମଚାରୀ ଚନ୍ଦନଙ୍କ ମୃତ୍ୟୁ ହୋଇଛି। ନିର୍ଦେଶକ ଶଙ୍କର ସେଠାରେ ଉପସ୍ଥିତ ଥିଲେ ମଧ୍ୟ ତାଙ୍କ କିଛି କ୍ଷତି ହୋଇନାହିଁ। ଆହତଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇ ଚିକିତ୍ସା ଜାରି ରହିଛି। ହୁର୍ଘଟଣା ବିଷୟରେ ଜଣାପଡିବା ପରେ କମଲ ହାସନ ସୁଟିଂ ସେଟରେ ପହଞ୍ଚି ଆହତଙ୍କୁ ହସ୍ପିଟାଲରେ ପହଞ୍ଚାଇଥିଲେ।
எத்தனையோ விபத்துக்களை சந்தித்து, கடந்திருந்தாலும் இன்றைய விபத்து மிகக் கொடூரமானது. மூன்று சகாக்களை இழந்து நிற்கிறேன்.எனது வலியை விட
அவர்களை இழந்த குடும்பத்தினரின் துயரம் பன்மடங்கு இருக்கும். அவர்களில் ஒருவனாக அவர்களின் துயரத்தில் பங்கேற்கிறேன்.அவர்களுக்கு என் ஆழ்ந்த அனுதாபங்கள்— Kamal Haasan (@ikamalhaasan) February 19, 2020
ଏହି ଦୁର୍ଘଟଣା ବିଷୟରେ ଖୋଦ୍ କମଲ ହାସନ ସୋସିଆଲ ମିଡିଆରେ ସୂଚନା ଦେଇଛନ୍ତି। ଟୁଇଟରେ କମଲ ହାସନ ଲେଖିଛନ୍ତି ଯେ, ପୂର୍ବରୁ ମୁଁ ବହୁତ ଦୁର୍ଘଟଣାର ସାମ୍ନା କରିଛି, ଏହା ସବୁଠାରୁ ଅଧିକ ଭୟାନକ ଥିଲା। ମୁଁ ନିଜର ୩ ଜଣ ସହଯୋଗୀଙ୍କୁ ହରାଇଛି। ସେମାନଙ୍କ ପରିବାର ସଦସ୍ୟଙ୍କ ବିପଦ ଆଗରେ ମୋ ଦୁଃଖ କିଛି ନୁହେଁ ବୋଲି କମଲ ଲେଖିଛନ୍ତି। ଏହା ସହ କମଲ ହାସନ ମୃତାହତଙ୍କ ପରିବାର ଲୋକଙ୍କ ପାଇଁ ଦୁଃଖ ଓ ସମବେଦନା ବ୍ୟକ୍ତ କରିଛନ୍ତି।
#Indian2 mishap: 3 dead & 9 injured in the crane accident. The injured have been taken to a nearby hospital. Director Shankar is unhurt. pic.twitter.com/62Ux5Bav53
— Shabbir Ahmed (@Ahmedshabbir20) February 19, 2020
ସୂଚନାଯୋଗ୍ୟ, କମଲ ହାସନ ଆଜିକାଲି ‘ଇଣ୍ଡିଆନ-୨’ର ସୁଟିଂ ବ୍ୟସ୍ତ ରହୁଛନ୍ତି। ଏହି ଫିଲ୍ମଟି ଦୁର୍ନୀତି ଉପରେ ନିର୍ମାଣ କରାଯାଇଛି। ଏହି ଫିଲ୍ମରେ ସେ ଜଣେ ୯୦ ବର୍ଷିୟ ବ୍ୟକ୍ତିଙ୍କ ଭୂମିକାରେ ନଜର ଆସିବେ। ଯିଏକି ଦୁର୍ନୀତି ବିରୋଧରେ ଲଢେଇ କରୁଥିବେ। ଏପର୍ଯ୍ୟନ୍ତ ଏହି ଫିଲ୍ମର ଅନେକ ପୋଷ୍ଟର ସାମ୍ନାକୁ ଆସିଛି। ଯାହାକୁ ତାଙ୍କ ଫ୍ୟାନ୍ସମାନେ ବହୁତ ପସନ୍ଦ କରିଛନ୍ତି। ଏହି ଫିଲ୍ମରେ କାଜଲ ଅଗ୍ରୱାଲ, ରକୁଲ ପ୍ରୀତ ସିଂହ, ବିଦ୍ୟୁତ ଜାମବାଲ ଏବଂ ପ୍ରିୟା ଭବାନୀ ଶଙ୍କର ମୁଖ୍ୟ ଭୂମିକାରେ ନଜର ଆସିବେ। ଏହା ହେଉଛି ୧୯୯୨ରେ ରିଲିଜ୍ ହୋଇଥିବା ବ୍ଳକବଷ୍ଟର ଫିଲ୍ମ ‘ଇଣ୍ଡିଆନ’ର ସିକ୍ବଲ।
