ବଡ଼ ବଡ଼ ଆକାରର ଚଷମା ପରେ ଏଥରକ ବଜାରରେ ଛୋଟ ଆକାର ମାଇକ୍ରୋ ଚଷମାର ବିକ୍ରି ବଢ଼ୁଛି। ଅଶୀ ଦଶକ ପୂର୍ବରୁ ଏଭଳି ଚଷମାର ଚାହିଦା ଥିଲା। ପୁଣିଥରେ ଏହି ଫେସନର ପୁନରାବୃତ୍ତି ହୋଇଛି।
ସାଧାରଣତଃ ମାଇକ୍ରୋ ଚଷମାରେ ଛୋଟ ଫ୍ରେମ୍ ଲାଗିଥାଏ। ଖାସ୍ କରି ଷଡ଼ଭୂଜ, କ୍ୟାଟ୍ ଆଇ, ଗୋଲ ଆକାରରେ ବାଇଗଣୀ, ନାଲି, ନୀଳ, ମାଟିଆ ତଥା କଳା ରଙ୍ଗର ଫ୍ରେମ୍ ଲାଗିଥିବା ଏହି ଚଷମା ପିନ୍ଧିଲେ ଅଧିକ ଆକର୍ଷଣୀୟ ଲାଗେ।
– ଅଧିକାଂଶ ବଲିଉଡ ତାରକା କ୍ୟାଟ୍ ଆଇ ମାଇକ୍ରୋ ଚଷମା ପିନ୍ଧୁଛନ୍ତି। ଏହାର ହଳଦୀ ଓ ଗୋଲାପୀ ରଙ୍ଗ ଯୁବପିଢ଼ିଙ୍କର ଅତି ପ୍ରିୟ।
– ଜ୍ୟାମିତିକ ଫ୍ରେମ୍ବାଲା ମାଇକ୍ରୋ ଚଷମା ମଧ୍ୟ ଭାରି ସୁନ୍ଦର ଲାଗେ। କୌଣସି ଖରାଦିନିଆ ପାର୍ଟି, କିମ୍ବା ସମୁଦ୍ରକୂଳ ବୁଲାବୁଲି ସମୟରେ ଏହି ଚଷମା ପିନ୍ଧିପାରିବେ।
– ଏକପ୍ରକାର ଟିଣ୍ଟେଡ ମାଇକ୍ରୋ ଚଷମା ଆସୁଛି। ବିଦେଶୀ ପୋଷାକ ସହ ଏ ଚଷମା ପିନ୍ଧିଲେ ସୁନ୍ଦର ଲାଗେ।
– ଗୋଲାକୃତି ମାଇକ୍ରୋ ସନ୍ଗ୍ଲାସ୍କୁ ଯେ କୌଣସି ପୋଷାକ ସହ ପିନ୍ଧାଯାଇପାରେ।
ଏହି ମାଇକ୍ରୋ ଚଷମା କିଣିଲାବେଳେ ସବୁବେଳେ ଧ୍ୟାନ ଦେବେ, ଯେମିତିକି ଏହାର ଫ୍ରେମ୍ ଅଧିକ ଭାରି ହୋଇ ନ ଥିବ। ସବୁବେଳେ ନିଜ ମୁହଁର ଆକାର ଓ ବ୍ୟକ୍ତିତ୍ୱକୁ ସୁହାଇଲା ଭଳି ରଙ୍ଗ ଓ ଡିଜାଇନ୍ ଦେଖି ଫ୍ରେମ୍ କିଣନ୍ତୁ।
