ରେଙ୍ଗାଲିକ୍ୟାମ୍ପ: ଅତାବିରା ବ୍ଲକ ସରଣ୍ଡା ସ୍ଥିତ ବାବା ବିଶ୍ୱେଶ୍ୱର୍ ଶିବ ମନ୍ଦିର ଠାରେ ଆଜି ତୈଳିକ ବୈଶ୍ୟ ସମାଜର ସମ୍ପାଦକ ପ୍ରକାଶ ସାହୁଙ୍କ ସଭାପତିତ୍ବରେ ଏକ ଅଧିବେଶନ ଅନୁଷ୍ଠିତ ହୋଇଯାଇଛି। ଏହି ଅଧିବେଶନରେ ସମାଜର ଉନ୍ନତି ପାଇଁ ଭବିଷ୍ୟତ କାର୍ଯ୍ୟପନ୍ଥା ଉପରେ ରୂପରେଖ ପ୍ରସ୍ତୁତ କରାଯାଇଥିଲା। ଅତିଥି ମାନେ ସମାଜକୁ ସୁଦୃଢ଼ କରିବା ପାଇଁ ସମସ୍ତେ ମିଳିମିଶି କାମ କରିବା ପାଇଁ ଉଦବୋଧନ ଦେଇଥିଲେ। ୨୪ଟି ପଞ୍ଚାୟତର ଶତାଧିକ ତୈଳିକ ସଭ୍ୟ ଉପସ୍ଥିତ ରହି ନିଜ ନିଜ ଅଞ୍ଚଳର ତୈଳିକ ସମାଜରେ ଥିବା ସମସ୍ୟା ଉତଥାପନ କରିଥିଲେ। ସେହି ସମସ୍ୟା ଗୁଡ଼ିକର ସମାଧାନ କିପରି ହୋଇପାରିବ ସେ ଉପରେ ବିସ୍ତୃତ ଆଲୋଚନା ହୋଇଥିଲା।
ଏହି ଅଧିବେଶନରେ ଅତାବିରା ଏନଏସି ୱାର୍ଡ ନଂ ୯ର କାଉନସିଲର ନାରାୟଣ ସାହୁ, ଦେଶ ଭଟଲିର ସରପଞ୍ଚ ତଥା ଜିଲ୍ଲା ଉପସଭାପତି ତୋଷବନ୍ତ ସାହୁ, ପୂର୍ବତନ ସଭାପତି ବାଲେଶ୍ଵର ସାହୁ, ଜଗନ୍ନାଥ ସାହୁ, ଲିଙ୍ଗରାଜ ସାହୁ, ଗୁନା ସାହୁ, ଧନେଶ୍ଵର ସାହୁ ପ୍ରମୁଖ ମଞ୍ଚାସିନ ଥିଲେ।
