କଲମପୁର: କଲମପୁର ଗୋଷ୍ଟୀ ସ୍ୱାସ୍ଥ୍ୟ କେନ୍ଦ୍ର ସଭାଗୃହ ଠାରେ ସ୍ୱାସ୍ଥ୍ୟ ଓ ପରିବାର କଲ୍ୟା ବିଭାଗ ତରଫରୁ ସମନ୍ୱିତ ଜାତୀୟ ମିଶନ ଇନ୍ଦ୍ରଧନୁ ତାଲିମ ଶିବିର ଅନୁଷ୍ଠିତ ହେଇଯାଇଛି। ଦୁଇଟି ପର୍ଯ୍ୟାୟରେ ଏହି ତାଲିମ ଶିବିର ଅନୁଷ୍ଠିତ ହେଇଥିଲା। ଏଥିରେରେ ଗାଁ ସ୍ତରରେ ଟିକା ନେଇନଥିବା ସମସ୍ତ ଗର୍ଭବତୀ, ୦ରୁ ୨ବର୍ଷ ଏବଂ ୨ରୁ ୫ ବର୍ଷର ଶିଶୁଙ୍କୁ ଟିକା ପ୍ରଦାନର ବ୍ୟବସ୍ତା କରାଯାଇଛି। ଏଥିରେ ଟିକା ପାଇନଥିବା ଏବଂ ଅସମ୍ପୂର୍ଣ୍ଣ ଟିକାକରଣ ହେଇଥିବା ଶିଶୁ ଉପକୃତ ହେବେ। ଏହି ସମସ୍ତ ଉପଭୋକ୍ତାଙ୍କୁ ଚିହ୍ନଟ କରି ଉପସ୍ୱାସ୍ଥ୍ୟ କେନ୍ଦ୍ର ମାଧ୍ୟମରେ ସେପ୍ଟେମ୍ବର ୧୧ରୁ ୧୬, ଅକ୍ଟୋବର ୧ରୁ ୧୪ ଏବଂ ନଭେମ୍ବର ୬ରୁ ୧୧ ତିନିଟି ପର୍ଯ୍ୟୟରେ ମିଶନ ଇନ୍ଦ୍ରଧନୁ ମାଧ୍ୟମରେ ଟିକାକରଣ କରାଯିବା ନେଇ ବ୍ୟବସ୍ଥା କରାଯାଇଛି। ଏହା ଦ୍ୱାରା ଶିଶୁ ମୃତ୍ୟୁ ହାରକୁ ରୋକାଯାଇ ପାରିବ। ଏଥିରେ ସମସ୍ତ ଗୋଷ୍ଠୀ ସ୍ୱାସ୍ଥ୍ୟ ଅଧିକାରୀ, ଉଭୟ ମହିଳା ଓ ପୁରୁଷ ସ୍ୱାସ୍ଥ୍ୟ କର୍ମୀ ଙ୍କ ସମେତ ସ୍ୱାସ୍ଥ୍ୟ କ୍ଷେତ୍ର ପରିଦର୍ଶକମାନେ ଉପସ୍ଥିତ ରହିଥିଲେ। ଏହି ତାଲିମ ଶିବିରରେ କଲମପୁର ଗୋଷ୍ଟୀ ସ୍ୱାସ୍ତ୍ୟ କେନ୍ଦ୍ର ଅଧିକାରୀ ଡାକ୍ତର ଶିବାଶିଷ ସ୍ୱାଇଁ ଅଧ୍ୟକ୍ଷତା କରିଥିବା ବେଳେ ଡବ୍ଲ୍ୟୁ ଏଚ.ଓର ସ୍ୱାସ୍ଥ୍ୟ ପରିଦର୍ଶକ ଶୁସାନ୍ତ କୁମାର ପଟେଲ ଯୋଗ ଦେଇ ତାଲିମ ପ୍ରଦାନ କରିଥିଲେ। କଲମପୁର ଗୋଷ୍ଠୀ ଜନ ସ୍ୱାସ୍ଥ୍ୟ ସଂପ୍ରସାରଣ ଅଧିକାରୀ ହେମନ୍ତ କୁମାର ଶଗଡ଼଼ିଆ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ବିପିଏମ ପ୍ରଶାନ୍ତ କୁମାରପାଢ଼ୀ ସହଯୋଗ କରିଥିଲେ।
Popular Categories
Previous article
Next article