ଗୁରୁଡ଼ିଝାଟିଆ: ଶିକ୍ଷା ଚାକୀରି ଓ ବ୍ୟବସାୟର ମାଧ୍ୟମ ନ ହୋଇ ମାନବିକ ମୂଲ୍ୟବୋଧ ଉପରେ ପର୍ଯ୍ୟବେସିତ ହୋଇ ଭଲମଣିଷ ସୃଷ୍ଟି କଲେ ବିଶ୍ୱକୁ ବସୁଧୈବ କୁ୍ଟୁମ୍ବର ବାର୍ତ୍ତା ପ୍ରଦାନ କରିପାରିବ ବୋଲି ଗୋବରା ଉଚ୍ଚ ବିଦ୍ୟାଳୟର ୩୬ତମ ପ୍ରତିଷ୍ଠା ଦିବସରେ ଅନ୍ତରାଷ୍ଟ୍ରିୟ ଜଗନ୍ନାଥ ସଂସ୍କୃତି ପ୍ରଚାରର ମୁଖ୍ୟ ବ୍ରହ୍ମଚାରୀ ସତ୍ୟାନନ୍ଦ ଦାସ ଉଦଘାଟକ ରୂପେ ଯୋଗଦେଇ ମତପ୍ରକାଶ କରିଥିଲେ। ବିଦ୍ୟାଳୟ ପରିଚାଳନା କମିଟିର ସଭାପତି ଶିକ୍ଷାବିତ୍ ଶରତ କୁମାର ଖୁଣ୍ଟିଆଙ୍କ ଅଧ୍ୟକ୍ଷତାରେ ଆୟୋଜିତ ଉତ୍ସବରେ ସ୍ଥାନୀୟ ବିଧାୟକ ତଥା କୃଷିମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ମୁଖ୍ୟ ଅତିଥି ଭାବରେ ଯୋଗଦେଇ ନବେଢ଼ା ଅଞ୍ଚଳରେ ଗୁଣାତ୍ମକ ଶିକ୍ଷା ପ୍ରଦାନ କରି ଉତ୍ତମ ବିଦ୍ୟାର୍ଥୀ ସୃଷ୍ଟି କରି ସ୍ୱତନ୍ତ୍ର ପରିଚୟ ହାସଲ କରିବ ବୋଲି କହିବା ସହ ବିଦ୍ୟାଳୟର ଉନ୍ନତି ନିମନ୍ତେ ସମସ୍ତ ପ୍ରକାର ସହଯୋଗ ଯୋଗାଇଦେବା ନିମନ୍ତେ କହିଥିଲେ। ପ୍ରଧାନଶିକ୍ଷକ ପ୍ରହଲ୍ଲାଦ ଚନ୍ଦ୍ର ପଣ୍ଡା, ସ୍ଥାନୀୟ ସରପଞ୍ଚ ଦିପ୍ତୀମୟୀ ଥାଟୋଇ, ସମିତିସଭ୍ୟା ବସୁମତି ଦିଗି ପ୍ରମୁଖ ଅତିଥି ଭାବରେ ଯୋଗ ଦେଇଥିଲେ। ବିଦ୍ୟାଳୟର କୃତୀ ବିଦ୍ୟାର୍ଥୀମାନଙ୍କୁ ପୁରସ୍କୃତ କରାଯାଇ ଉତ୍ସାହିତ କରାଯାଇଥିଲା।
Popular Categories
Previous article
Next article