ଆଠଗଡ଼: ଆଠଗଡ଼ରେ ମେ ୧ ତାରିଖରୁ ୩୧ତାରିଖ ପର୍ଯ୍ୟନ୍ତ ପାଳିତ ହେଉଥିବା ବଳରାମ ମାସର ଉଦ୍ଯାପନୀ କାର୍ଯ୍ୟକ୍ରମ ବ୍ଲକ ସମ୍ମିଳନୀ କକ୍ଷରେ ମଙ୍ଗଳବାର ଅନୁଷ୍ଠିତ ହୋଇଯାଇଛି। ମଣ୍ଡଳ ଉନ୍ନୟନ ଅଧିକାରୀ ପ୍ରଦୀପ କୁମାର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉଦ୍ଯାପନୀ କାର୍ଯ୍ୟକ୍ରମରେ ବ୍ଲକ କୃଷି ସୂଚନା ପରାମର୍ଶ କେନ୍ଦ୍ର ଅଧ୍ୟକ୍ଷ ରବୀନ୍ଦ୍ରନାଥ ରାଉତ, ବ୍ଲକ କୃଷି ଅଧିକାରୀ ଜଗବନ୍ଧୁ ମିଶ୍ର, ଶିଶୁ ବିକାଶ ପ୍ରକଳ୍ପ ଅଧିକାରିଣୀ ନିବେଦିତା ରାୟ, ସହକାରୀ ବ୍ଲକ କୃଷି ଅଧିକାରୀ ତୃପ୍ତିମୟୀ ନାହାକ, କଟକର କୃଷି ସହକାରୀ ଯନ୍ତ୍ରୀ ପ୍ରଶାନ୍ତି ଶବର ପ୍ରମୁଖ ଅତିଥି ଭାବେ ଯୋଗଦେଇ ବଳରାମ ମାସ ମଧ୍ୟରେ କରାଯାଇଥିବା କାର୍ଯ୍ୟକ୍ରମ ସଂପର୍କରେ ବିସ୍ତୃତ ଭାବେ ଆଲୋକପାତ କରିଥିଲେ। ଭାଗଚାଷୀଙ୍କ ତଥ୍ୟ ସଂଗ୍ରହ ଓ ଆବେଦନ ପତ୍ର ସଂଗ୍ରହ କରି ସେମାନଙ୍କୁ ବ୍ୟାଙ୍କ ଜରିଆରେ ଋଣ ପ୍ରଦାନ ପାଇଁ ସରକାର ଏହି ବଳରାମ ମାସ ପାଳନ କରୁଥଲେ। ଏହି ପରିପ୍ରେକ୍ଷୀରେ ଗତ ୧ମାସ ମଧ୍ୟରେ ଆଠଗଡ଼ ବ୍ଲକର ଭାଗଚାଷ କରୁଥିବା ୬୭୫ଜଣ ଚାଷୀଙ୍କର ତଥ୍ୟ ଓ ଆବେଦନ ପତ୍ର ସଂଗ୍ରହ କରାଯାଇଛି ବୋଲି କୃଷି ଅଧିକାରୀ ଜଗବନ୍ଧୁ ମିଶ୍ର ପ୍ରକାଶ କରିଥିଲେ। ଏହି କାର୍ଯ୍ୟକ୍ରମରେ ୩୪ଟି ପଞ୍ଚାୟତର ୩୪ଜଣ ଦକ୍ଷ ନଥିପତ୍ର ଲେଖିକା, ୧୩ଜଣ ବ୍ୟାଙ୍କ ମିତ୍ର ଓ କୃଷି ମିତ୍ର ଉପସ୍ଥିତ ରହିଥିଲେ। ଏହି କାର୍ଯ୍ୟକ୍ରମକୁ ବ୍ଲକ ପ୍ରକଳ୍ପ ସଂଯୋଜକ ଚିତ୍ତରଞ୍ଜନ ବଳିଆରସିଂହ, ଉପସଂଯୋଜକ ମୁକେଶ ବେହେରା, ବ୍ଲକ ଜୀବିକା ସଂଯୋଜକ ପରେଶ କୁମାର ପୃଷ୍ଟି, ବିନୋଦ କୁମାର ପଣ୍ଡା ଓ ସଂଯୁକ୍ତା ମହାନ୍ତି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
Popular Categories
Previous article
Next article