ମୋହନା: ଗଜପତି ଜ଼ିଲ୍ଲା ମୋହନା ବ୍ଲକ ଅନ୍ତର୍ଗତ ପାଣିଗଣ୍ଡା ପଞ୍ଚାୟତ ଅଧିନ ତୋରାଣିପାଣି ଗ୍ରାମରେ କାଳ ବୈଶାଖୀ ଝଡ଼ ତୋଫାନ ପ୍ରଭାବରେ ବ୍ୟାପକ କ୍ଷୟକ୍ଷତି ହୋଇଛି। ମଙ୍ଗଳବାର ଅପରାହ୍ନରେ ହଠାତ ବର୍ଷା ସହ ପ୍ରବଳ ବେଗରେ ପବନ ବହିଥିଲା। ଫଳରେ ଗାଁ କୋଠଘର ସମେତ ସୁମନ୍ତ୍ର ବଡ଼ରଇତ, ରାଧାକାନ୍ତ ବଡ଼ରଇତ, ମୁଡୁଗା ଗମାଙ୍ଗ, ବିଶାଳ ଗମାଙ୍ଗ, ସିଣ୍ଡାଇ ବଡ଼ରଇତ ଏବଂ ଲାବାଇ ଶବରଙ୍କ ଟିଣ ଏବଂ ଚାଳ ଛପର ଘର ସମ୍ପୂର୍ଣ ନଷ୍ଟ ହୋଇଯାଇଛି। ଏହି ବ୍ୟକ୍ତିମାନେ ଆଦିବାସୀ ସଂପ୍ରଦାୟର ଏବଂ ଅତ୍ୟନ୍ତ ଗରିବ ଶ୍ରେଣୀର ହୋଇଥିବା ଯୋଗୁଁ ପ୍ରଶାସନ ନିକଟରେ ସରକାରୀ ସହାୟତା ପାଇଁ ନିବେଦନ କରିଛନ୍ତି।
Comments are closed.