ନୂଆଦିଲ୍ଲୀ : କରୋନା ମହାମାରୀ ଯୋଗୁ ବିଶ୍ବର ଅଧିକାଂଶ ଦେଶ ପ୍ରଭାବିତ ହୋଇଛି। ବହୁ ସଂଖାରେ ଲୋକ ସଂକ୍ରମିତ ହେଉଥିବା ବେଳେ ୨ ଲକ୍ଷରୁ ଉର୍ଦ୍ଧ୍ବ ଲୋକ ପ୍ରାଣ ହରାଇଲେଣି। ସବୁଠୁ ଅଧିକ ପ୍ରଭାବିତ ହେଲାଣି ବିଶ୍ବ ଅର୍ଥନୀତି। ଏହି ଅର୍ଥନୀତିକୁ ସଜାଡିବାକୁ ବ୍ରିକ୍ସ ଦେଶ ସମୁହ ଆଗେଇ ଆସିଛନ୍ତି। ସଦସ୍ୟ ରାଷ୍ଟ୍ରର ଅର୍ଥନୀତିକୁ ଚଳଚଞ୍ଚଳ କରିବାକୁ ୧୫ ବିଲିୟନ ଡଲାର ପାଣ୍ଠି ସହାୟତା ପାଇଁ ନିଷ୍ପତି କରିଛନ୍ତି। ବ୍ରିକ୍ସ ରାଷ୍ଟ୍ର ସମୁହ ବୈଠକ ଭିଡିଓ କନଫରେନସିଂ ଜରିଆରେ ଅନୁଷ୍ଠିତ ହୋଇଥିଲା। ରୁଷିଆର ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଭାରତ, ବ୍ରାଜିଲ, ଚୀନ ଓ ଦକ୍ଷିଣ ଆଫ୍ରିକାର ବୈଦେଶିକ ମନ୍ତ୍ରୀମାନେ ଉପସ୍ଥିତ ଥିଲେ। ଏହି ବୈଠକରେ କରୋନା ଜନିତ ସ୍ବାସ୍ଥ୍ୟ ସମସ୍ୟା ଉପରେ ଆଲୋଚନା ହୋଇଥିଲା। ଅର୍ଥନୀତିକୁ ନେଇ ଭାରତର ଏସ ଜୟଶଙ୍କରଙ୍କ ସମେତ ସବୁ ରାଷ୍ଟ୍ରର ବୈଦେଶିକ ମନ୍ତ୍ରୀମାନେ ଉଦ୍ବେଗ ପ୍ରକାଶ କରିଥିଲେ। ଏହା ପରେ ବ୍ରିକ୍ସ ରାଷ୍ଟ୍ରସମୁହର ଅର୍ଥନୀତି ବିଶାରଦଙ୍କ ସହ ଆଲୋଚନା କରାଯିବ। ସ୍ବାସ୍ଥ୍ୟ ବିଶେଷଜ୍ଞଙ୍କ ସହ ମଧ୍ୟ ଆଲୋଚନା କରାଯିବ ବୋଲି ନିଷ୍ପତି ହୋଇଛି।
କୋଭିଡ-୧୯ ପ୍ରଭାବିତ ଅର୍ଥନୀତି : ୧୫ ବିଲିୟନ ଡଲାର ସହାୟତା ଦେବ ବ୍ରିକ୍ସ ଦେଶ ସମୁହ
Popular Categories
Previous article
Next article