ନେମାଳ : ନେମାଳ ଥାନା ଅନ୍ତର୍ଗତ ବନ୍ଧକାଟିଆ ଗ୍ରାମପଞ୍ଚାୟତ ବିଜୁ ଯୁବ ବାହିନୀ ପକ୍ଷରୁ ଶିଶୁ ସୁରକ୍ଷା ସଚେତନତା କାର୍ଯ୍ୟକ୍ରମ ପଞ୍ଚାୟତ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି। ବିଜୁଯୁବ ବାହିନୀର ସଭାପତି ସୁଶାନ୍ତ କୁମାର ମାହାଳିଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବନ୍ଧକାଟିଆ ସେବା ସମବାୟ ସମିତି ଅଧ୍ୟକ୍ଷ ରବିନ୍ଦ୍ରନାଥ ତ୍ରିପାଠୀ ଆନୁଷ୍ଠାନିକ ଭାବେ ଉକ୍ତ କାର୍ଯ୍ୟକ୍ରମକୁ ଉଦ୍ଘାଟିତ କରି ଆଧୁନିକ ବିଶ୍ୱ ଗଢିବାରେ ଶିଶୁ ମାନଙ୍କ ଅବଦାନ ଅତୁଳନୀୟ ବୋଲି କହିଥିଲେ। ଶିଶୁ ମାନଙ୍କୁ ସୁରକ୍ଷା ଯୋଗାଇଦେବା ସହିତ ସେମାନଙ୍କ ପାଇଁ ଉଚ୍ଚକୋଟୀର ଶିକ୍ଷାଦାନ,ଶୃଖଳା ସହ ବିଦ୍ୟାଳୟର ନୈତିକ ଓ ଶୈକ୍ଷିକ ବାତାବରଣ ହିଁ ଶିଶୁ ମାନଙ୍କ ଜୀବନକୁ ସଠିକ ଦିଗରେ ଗଢି ତୋଳିବାରେ ସହାୟକ ହେବ। ଏଥିପ୍ରତି ଆଜିର ଯୁବସମାଜ ସଚେତନ ହେବା ସହିତ ଅଭିଭାବକ ଓ ଶିକ୍ଷକଙ୍କର ଗୁରୁଦାୟିତ୍ୱ ରହିଛି ବୋଲି ମତ ପ୍ରକାଶ କରିଥିଲେ। ସମ୍ମାନିତ ଅତିଥି ପ୍ରାକ୍ତନ ସରପଞ୍ଚ ପ୍ରହଲ୍ଲାଦ ଜେନା, ଶିକ୍ଷାବିତ ପ୍ରଶାନ୍ତ ବରାଳ, ଶିଶିର ସ୍ୱାଇଁ ପ୍ରମୁଖ ଯୋଗଦେଇଥିଲେ। ଉକ୍ତ କାର୍ଯ୍ୟକ୍ରମ ଅବସରରେ ଶିଶୁ ମାନଙ୍କ ମଧ୍ୟରେ ବକୃତା,ପ୍ରବନ୍ଧ,ସଂଙ୍ଗୀତ ଆଦି ପ୍ରତିଯୋଗିତା ଅନୁଷ୍ଠିତ ହୋଇଥିଲା।
Popular Categories
Previous article
Next article