ରାଜ୍ୟସଭା ଅଧ୍ୟକ୍ଷ ଏମ. ଭେଙ୍କିଆ ନାଇଡୁ କହିଛନ୍ତି ଯେ ଗଣତନ୍ତ୍ର ପ୍ରତି ମତଦାତାଙ୍କ ଆସ୍ଥା ବଢିଛି କିନ୍ତୁ ଜନପ୍ରତିନିଧି ନାଗରିକଙ୍କୁ ନିରାଶ କରଛନ୍ତି। ଚଳିତ ବଜେଟ ଅଧିବେଶନରେ ସାଂସଦମାନଙ୍କୁ ଗୃହ କାର୍ଯ୍ୟରେ ସମ୍ପୂର୍ଣ୍ଣ ଏକ ମନ ହୋଇ ସହଯୋଗ କରିବା ପାଇଁ ଶ୍ରୀ ନାଇଡୁ ଆହ୍ୱାନ ଦେଇ କହିଛନ୍ତି ଯେ ୧୯୫୧-୫୨ ସାଧାରଣ ନିର୍ବାଚନ ତୁଳନାରେ ୨୦୧୯ ନିର୍ବାଚନରେ ମତଦାତାଙ୍କର ଭାରତୀୟ ଗଣତନ୍ତ୍ର ପ୍ରତି ଆସ୍ଥା ବୃଦ୍ଧି ପାଇଛି କିନ୍ତୁ ନିର୍ବାଚିତ ଜନପ୍ରତିନିଧିଙ୍କ କାର୍ଯ୍ୟଶୈଳୀ ନିରାଶ କରିଛି।
ଆଜ ରାଜ୍ୟସଭାର କାର୍ଯ୍ୟଧାରା ଆରମ୍ଭ କରି ନିଜ ସମ୍ବୋଧନରେ ଶ୍ରୀ ନାଇଡୁ କହିଛନ୍ତି ଯେ, ପୂର୍ବ ବର୍ଷ ବଜେଟ ଅଧିବେଶନ କାଳରେ ରାଜ୍ୟସଭାର ଉତ୍ପାଦକତା ୯୪% ଥିଲା। ସେ କହିଛନ୍ତି, ଦେଶ ସ୍ୱାଧୀନତାର ଅମୃତ ମହୋତ୍ସବ ପାଳନ କରୁଛି ଏବଂ ସ୍ୱାଧୀନତା ପରେ ନିର୍ଵାଚକୁ ଏବେ ୭୦ ବର୍ଷ ପୂରଣ ହୋଇଛି।
ଦେଶର ୫ ହଜାର ସାଂସଦ, ବିଧାୟକ ଏବଂ ବିଧାନ ପରିଷଦ ସଦସ୍ୟମାନଙ୍କୁ ଲୋକତନ୍ତ୍ରକୁ ମଜବୁତ କରିବା ଦିଗରେ କାର୍ଯ୍ୟ କରିବା ଲାଗି ଶ୍ରୀ ନାଇଡୁ ଆହ୍ୱାନ ଦେଇଛନ୍ତି। ସେ କହିଛନ୍ତି ଯେ ଆମେ ସବୁ ଏଭଳି କାର୍ଯ୍ୟ କରିବା ଉଚିତ ଯାହା ଫଳରେ ଗଣତନ୍ତ୍ର ପ୍ରତି ସାଧାରଣ ଜନତାଙ୍କ ଆସ୍ଥା ଓ ବିଶ୍ୱାସ ବୃଦ୍ଧି ପାଇବ।
