ବେଙ୍ଗାଲୁରୁ: କର୍ଣ୍ଣାଟକରେ କଂଗ୍ରେସ-ଜେଡିଏସ ମେଣ୍ଟ ସରକାର ସମୟରେ କଂଗ୍ରେସରୁ ଇସ୍ତଫା ଦେଇ ସରକାରକୁ ହରଡ଼ଘଣାରେ ପକାଇଥିବା କଂଗ୍ରେସ ବିଧାୟକ ଏମ.ଟି.ବି. ନାଗରାଜ ଏବେ ପୁଣି ଥରେ ଚର୍ଚ୍ଚାରେ। ଏଥର ସେ ୧୧ କୋଟି ଟଙ୍କାର ଏକ କାର୍ କିଣି ଚର୍ଚ୍ଚାକୁ ଆସିଛନ୍ତି। ରୋଲ୍ସ ରୟସ ଫ୍ୟାଣ୍ଟମ(VIII) କାର କରିଛନ୍ତି। ତେବେ ଟ୍ୟାକ୍ସ ପଇଠ କରିବା ପରେ ଏହି ବିଳାସପୂର୍ଣ୍ଣ କାର୍ର ମୂଲ୍ୟ ଆହୁରି ଅଧିକ ହୋଇପାରେ।
କଂଗ୍ରେସ-ଜେଡିଏସ ସରକାରର ୧୭ ବିଧାୟକ କରକାରଙ୍କ କାର୍ଯ୍ୟକଳାପରେ ଅସନ୍ତୋଷ ପ୍ରକାଶ କରି ଗତ ଜୁଲାଇରେ ଇସ୍ତଫା ଦେଇଥିଲେ। ଏହା ପରେ ମେଣ୍ଟ ସରକାରର ପତନ ଘଟିଥିଲା ଏବଂ ବିଜେପି ପାଇଁ ସରକାର ଗଢ଼ିବା ଲାଗି ରାସ୍ତା ଫିଟିଯାଇଥିଲା। ସେତେବେଳେ ବିଧାନସଭା ଅଧ୍ୟକ୍ଷ କଂଗ୍ରେସର ୧୪ ବିଧାୟକଙ୍କୁ ଅଯୋଗ୍ୟ ଘୋଷଣା କରିଥିଲେ। ସେମାନଙ୍କ ମଧ୍ୟରେ ନାଗରାଜ ମଧ୍ୟ ରହିଥିଲେ।
ତେବେ ନାଗରାଜ କର୍ଣ୍ଣାଟକର ପ୍ରଥମ ନେତା ନୁହନ୍ତି, ଯାହାଙ୍କ ପାଖରେ ଏତେ ଦାମୀ କାର ରହିଛି। ରାଜ୍ୟରେ ଖଣି ପାଇଁ ଚର୍ଚ୍ଚିତ ଜନାର୍ଦ୍ଦନ ରେଡ୍ଡୀଙ୍କ ପାଖରେ ବି ଏଭଳି କାର ରହିଛି। ନାଗରାଜ ଏତେ ଦାମୀ କାର କିଣିବାରେ କୌଣସି ଆଶ୍ଚର୍ଯ୍ୟ ହେବାର କଥା ନାହିଁ, କାରଣ ସେ ହେଉଛନ୍ତି ଦେଶର ଧନୀ ବିଧାୟକମାନଙ୍କ ମଧ୍ୟରୁ ଜଣେ। ବିଧାନସଭା ନିର୍ବାଚନ ସମୟରେ ତାଙ୍କ ସମ୍ପତ୍ତି ପରିମାଣ ୧ ହଜାର କୋଟି ଟଙ୍କାରୁ ଅଧିକ ବୋଲି ସତ୍ୟପାଠରେ ଦର୍ଶାଇଥିଲେ।
