ମୁମ୍ବଇ : କଂଗ୍ରେସରେ ଜାରି ରହିଥିବା ଇସ୍ତଫା କ୍ରମରେ ସାମିଲ ହୋଇଛନ୍ତି ମିଲିନ୍ଦ ଦେଓରା। ମୁମ୍ବଇ କଂଗ୍ରେସ କମିଟି ଅଧ୍ୟକ୍ଷ ପଦରୁ ସେ ଇସ୍ତଫା ଦେଇଛନ୍ତି । ଦିଲ୍ଲୀରେ ଦଳୀୟ ସଂଗଠନକୁ ସୁଦୃଢ କରିବା ପାଇଁ ସେ ରବିବାର ନିଜର ଇସ୍ତଫା ସଂପର୍କରେ ଘୋଷଣା କରିଛନ୍ତି । ଗତ ୨୬ ତାରିଖରେ ସେ ଦିଲ୍ଲୀରେ ରାହୁଲ ଗାନ୍ଧୀଙ୍କୁ ସାକ୍ଷାତ କରିଥିଲେ।
ଲୋକସଭା ନିର୍ବାଚନର ଏକମାସ ପୂର୍ବରୁ ସଞ୍ଜୟ ନିରୁପମଙ୍କ ସ୍ଥାନରେ ମିଲିନ୍ଦ ଦେଓରାଙ୍କୁ ମୁମ୍ବଇ କଂଗ୍ରେସ କମିଟି ଅଧ୍ୟକ୍ଷ ପଦରେ ନିଯୁକ୍ତି ଦିଆଯାଇଥିଲା। ତେବେ ସାଧାରଣ ନିର୍ବାଚନରେ କଂଗ୍ରେସ ମୁମ୍ବଇରେ ସମସ୍ତ ଛଅଟି ଲୋକସଭା ଆସନରେ ପରାଜିତ ହୋଇଥିଲା। ଅନ୍ୟ ପକ୍ଷରେ ଆଗାମୀ ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ ଏକ ତିନି ଜଣିଆ କମିଟି ଗଠନ କରିବାକୁ ସେ ପ୍ରସ୍ତାବ ଦେଇଛନ୍ତି।
