ସମାଜଲାଇଭ ଡେସ୍କ: ରାଜ୍ୟରେ ଦାଦନ ଶ୍ରମିକଙ୍କ ମୃତ୍ୟୁ ଘଟଣା ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ବାହାର ରାଜ୍ୟକୁ କାମ କରିବାକୁ ଯାଇ ଶବ ହୋଇ ଫେରୁଛନ୍ତି। ଏଭଳି ଅନେକ ଘଟଣାର ନଜିର ରହିଆସିଛି। ତେବେ ଗତ ୫ ବର୍ଷ ମଧ୍ୟରେ ରାଜ୍ୟରେ ୫୧୮ ଦାଦନ ଶ୍ରମିକଙ୍କ ମୃତ୍ୟୁ ଘଟିଥିବା ନେଇ ବିଧାନସଭାରେ ମଙ୍ଗଳବାର ଉତ୍ତର ରଖିଛନ୍ତି ଶ୍ରମ ମନ୍ତ୍ରୀ ଗଣେଶ ରାମ ସିଂ ଖୁଣ୍ଟିଆ।
ଶ୍ରମ ମନ୍ତ୍ରୀଙ୍କ ଉତ୍ତର ଅନୁସାରେ, ବାହାର ରାଜ୍ୟକୁ କାମ କରିବାକୁ ଯାଇ ପ୍ରାଣ ହରାଇଥିବା ଦାଦନଙ୍କ ମଧ୍ୟରୁ କଳାହାଣ୍ଡିର ୬୦ ଜଣ, ଗଞ୍ଜାମର ୫୬ ଜଣ ଓ ବଲାଙ୍ଗୀର ୩୮, କନ୍ଧମାଳ ୩୪, ନବରଙ୍ଗପୁର ୩୫, ରାୟଗଡା ଜିଲାର ୩୪ ଜଣ ଦାଦନ ଶ୍ରମିକ ରହିଛନ୍ତି। ଏହି ସବୁ ଲୋକ ଦେଶ ବାହାର ଓ ରାଜ୍ୟ ବାହାରକୁ ଦାଦନ ଖଟିବାକୁ ଯାଇ ମୃତ୍ୟୁ ବରଣ କରିଛନ୍ତି। ସେମାନଙ୍କ ମଧ୍ୟରୁ ୩୯୫ ମୃତ ଶରୀରକୁ ସେମାନଙ୍କ ପରିବାରକୁ ହସ୍ତାନ୍ତର କରାଯାଇଛି।
