ଇସଲାମାବାଦ୍ : ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ୍ଙ୍କ ବିରୋଧରେ ଜାମିନବିହୀନ ଗିରଫ ପରୱାନା ଜାରି ହୋଇଛି। ଜଣେ ବିଚାରପତି ଓ ଇସଲାମାବାଦ୍ ପୁଲିସ ଅଧିକାରୀଙ୍କୁ ଧମକ ଦେଇଥିବା ଅଭିଯୋଗରେ ଇମ୍ରାନ୍ଙ୍କ ବିରୋଧରେ ଏକ ମାମଲା ରୁଜୁ ହୋଇଛି। ଏହି ମାମଲାର ଶୁଣାଣି କରୁଥିବା ବିଚାର ବିଭାଗୀୟ ମାଜିଷ୍ଟ୍ରେଟ୍ ମଲିକ ଅମନ ଏହି ଜାମିନବିହୀନ ଗିରଫ ପରୱାନା ଜାରି କରିଛନ୍ତି। ବୁଧବାର ଏହି ମାମଲାର ଶୁଣାଣି ସମୟରେ ଇମ୍ରାନ ବ୍ୟକ୍ତିଗତ ଭାବେ ଅଦାଲତରେ ଉପସ୍ଥିତ ରହିଥିବାର ଥିଲା। ତେବେ ସେ ଉପସ୍ଥିତ ନ ରହିବାରୁ ମାଜିଷ୍ଟ୍ରେଟ୍ ଏପରି ପଦକ୍ଷେପ ଗ୍ରହଣ କରିଛନ୍ତି। ସୂଚନାଥାଉ କି ଗତବର୍ଷ ଅଗଷ୍ଟରେ ଅତିରିକ୍ତ ଜିଲା ଓ ଦୌରା ଜଜ୍ ଜେବା ଚୌଧୁରୀ ଓ ଇସଲମାବାଦ୍ ପୁଲିସ ଅଧିକାରୀଙ୍କୁ ଇମ୍ରାନ୍ ଧମକ ଦେଇଥିବା ନେଇ ବିଭିନ୍ନ ଦଫାରେ ମାମଲା ରୁଜୁ ହୋଇଥିଲା। ମାମଲାକୁ ନେଇ ଇମ୍ରାନଙ୍କ ବିରୋଧରେ ଗତ ୧୩ରେ ପ୍ରଥମେ ଜାମିନବିହୀନ ଗିରଫ ପରୱାନା ଜାରି କରାଯାଇଥିଲା। ତେବେ ୨୪ତାରିଖ ଶୁଣାଣିରେ ଜାମିନବିହୀନ ଗିରଫ ପରୱାନାକୁ ଜାମିନଯୋଗ୍ୟ ଗିରଫ ପରୱାନାକୁ ବଦଳାଇ ଦେଇଥିଲେ ମାଜିଷ୍ଟ୍ରେଟ୍।
Popular Categories
Previous article
Next article