ମୟୁରଭଞ୍ଜ: ମୟୁରଭଞ୍ଜରେ ମହୁଲ ମାଫିଆଙ୍କ ଆତଙ୍କରାଜ। ଅଭିନବ ଉପାୟରେ ଅବକାରୀ ବିଭାଗ ଟିମ୍ ହାତରୁ ଛଡାଇନେଲେ ମହୁଲ ଭର୍ତ୍ତି ପିକଅପ୍। ମହିଳା ଅବକାରୀ ଏସଆଇଙ୍କୁ ଗାଡିରେ ବସାଇ ୧୬ କ୍ଵିଣ୍ଟାଲ ମହୁଲ ଛଡାଇନେଲେ। କପ୍ତିପଦା ଥାନା ଜାରଡା ଗାଁରେ ଏଭଳି ଅଘଟଣ ଦେଖିବାକୁ ମିଳିଛି। ସୂଚନା ଅନୁସାରେ କପ୍ତିପଦା ଥାନା ନିକଟରେ ମହୁଲ ବୋଝେଇ ପିକଅପ୍ ଭ୍ୟାନକୁ ଜବତ କରି ୪ ଜଣଙ୍କୁ ଗିରଫ କରିଥିଲା ଅବକାରୀ ବିଭାଗ। ଅବକାରୀ ସବ ଇନ୍ସପେକ୍ଟର ସୁଦର୍ଶିନୀ ସାହୁ ମହୁଲ ବୋଝେଇ ପିକଅପ୍ ଟିକୁ ଉଦଳା କାର୍ଯ୍ୟାଳୟକୁ ଆଣୁଥିଲେ। ଜାରଡା ଛକ ନିକଟରେ ମାଫିଆମାନେ ଗାଡିଟିକୁ ଅଟକାଇଥିଲେ। ଡ୍ରାଇଭରଙ୍କୁ ମାଡ ମାରି ଓହ୍ଲାଇ ଦେଇ ଗାଡି ସହ ମହିଳା ଅଧିକାରୀଙ୍କୁ ସାଙ୍ଗରେ ନେଇ ଯାଇଥିଲେ। ଅବକାରୀ ସବ୍ ଇନ୍ସପେକ୍ଟରଙ୍କ ସାମ୍ନାରେ ଜବତ ମହୁଲ କୁ ଘରେ ରଖି ଗାଡି ଟିକୁ ଫେରାର୍ କରି ଦେଇଥିଲେ। ଖବର ପାଇ ସ୍ଥାନୀୟ ପୁଲିସ୍ ଘଟଣାସ୍ଥଳରେ ପହଞ୍ଚି ମହୁଲ କୁ ଜବତ କରିଛି। ଗାଡିଟିକୁ ଛଡାଇ ନେଇଥିବା ମାଫିଆମାନେ ଫେରାର୍ ହୋଇଯାଇଛନ୍ତି।
Popular Categories
Previous article
Next article