ସମାଜ ଡିଜିଟାଲ ଡେସ୍କ: ସହିଦ ସିଆଇଏସଏଫ ଯବାନ ମନୋଜ ବିଶ୍ୱାଳଙ୍କ ଶେଷକୃତ୍ୟ ସଂପନ୍ନ ହୋଇଛି । ପୈତୃକ ଗ୍ରାମ ପରଜଙ୍ଗ ବ୍ଲକ ମାଣିକମରା ଗାଁରେ ଗାର୍ଡ ଅଫ ଅନର ଦିଆଯିବା ପରେ ଗାଁ ମଶାଣିରେ ଶେଷକୃତ୍ୟ କରାଯାଇଛି । ମରଶରୀର ଗାଁରେ ପହଞ୍ଚିବା ମାତ୍ରେ ସହିଦ ଯବାନ ଅମର ରହେ, ଭାରତ ମାତା କି ଜୟ ଧ୍ୱନିରେ ପ୍ରକମ୍ପିତ ହୋଇଥିଲା ପୁରା ପରିବେଶ । ଶୋକାକୂଳ ପରିବେଶରେ ଅନ୍ତିମ ସଂସ୍କାର ହୋଇଛି । ଦୁଇ ଝିଅ ମଧ୍ୟ ବାପାଙ୍କୁ ଶେଷ ଶ୍ରଦ୍ଧାଞ୍ଜଳି ଦେଇଥିଲେ ।
ପ୍ରିୟ ମୋନଜଙ୍କୁ ହରାଇ ପରିବାର ଓ ଗ୍ରାମବାସୀ ଭାଙ୍ଗିପଡିଛନ୍ତି । ସମସ୍ତଙ୍କ ଆଖିରେ ଲୁହ ଓ ଛାତିରେ କୋହ । କେହି କେବେ ବି ଭାବିନଥିଲେ ଏପରି ଭାବେ ମନୋଜ ଚାଲିଯିବେ । ଶେଷ ଥର ଗାଁକୁ ଆସିବା ବେଳେ କଥା ଦେଇଥିଲେ ଗାଁକୁ ଖୁବଶୀଘ୍ର ଫେରିବେ । କିନ୍ତୁ ସେ ଫେରିବା ବଦଳରେ ତାଙ୍କ ମରଶରୀର ଗାଁରେ ପହଞ୍ଚିଛି । ଜାମ୍ମୁକାଶ୍ମୀରର କିସ୍ତୱାର ବାଦଲଫଟା ବର୍ଷା ଓ ଭୂ-ସ୍ଖଳନରେ ସହିଦ ହୋଇଥିଲେ ଓଡ଼ିଆ ଯବାନ ମନୋଜ ବିଶ୍ୱାଳ । କୋହଭରା ହୃଦୟରେ ଗ୍ରାମବାସୀମାନେ ବୀରପୁଅକୁ ଶେଷ ବିଦାୟ ଦେଇଛନ୍ତି ।
ଲୁହରେ ଭିଜିଲା ଗାଁ, ସହିଦ ଯବାନ ମନୋଜ ବିଶ୍ୱାଳଙ୍କ ଶେଷକୃତ୍ୟ ସଂପନ୍ନ
Popular Categories
Previous article
Next article