ବାଇକରେ ଲାଗିଲା ସିଲିଂ ପଙ୍ଖା

ସମାଜ ଡିଜିଟାଲ ଡେସ୍କ:  ଗରମରୁ ରକ୍ଷା ପାଇବାକୁ ଅନେକ ବ୍ୟକ୍ତି ଏକାଧିକ କୌତୂହଳପୂର୍ଣ୍ଣ ପଦକ୍ଷେପ ଗ୍ରହଣ କରୁଛନ୍ତି। ସେହିପରି ଏକ ଭିଡିଓ ବର୍ତ୍ତମାନ ସାମାଜିକ ଗଣମାଧ୍ୟମରେ ପ୍ରଘଟ ହୋଇଛି। ଜଣେ ବ୍ୟକ୍ତି ନିଜ ପୁରୁଣା ବାଇକରେ ଏକ ସିଲିଂ ପଙ୍ଖା ଲଗାଇଥିବା ଏଥିରେ ଦେଖିବାକୁ ମିଳୁଛି। ବାଇକର ଆଗ ଓ ପଛପଟେ ୱଲଡିଂ କରି ଲୁହାର ଛଡ଼ ଲଗାଯାଇଛି। ସିଟ୍ର ଠିକ୍ ଉପରେ ଥିବା ଲୁହାଛଡ଼ରେ ଏକ ସିଲିଂ ପଙ୍ଖା ଟଙ୍ଗାଯାଇଛି। ପଙ୍ଖାରୁ ଏକ ତାର ଆସି ବାଇକର ବ୍ୟାଟେରିରେ ଲାଗିଛି। ସୁଇଚ୍ ମାରିଲେ ସିଲିଂ ପଙ୍ଖାଟି ଘୂରୁଛି। ଏହି ଭିଡିଓକୁ ୩୨ ଲକ୍ଷ ବ୍ୟକ୍ତି ଦେଖିଥିବା ବେଳେ ଏପରି ଉଦ୍ଭାବନ ଭାରତ ବାହାରକୁ କିପରି ନ ଯାଇ ପାରିବ ତାହାର ବନ୍ଦୋବସ୍ତ କରିବାକୁ ଏକାଧିକ ବ୍ୟକ୍ତି ମନ୍ତବ୍ୟ ଦେଇଥିବା ବେଳେ ବାଇକରେ ସିଲିଂ ପଙ୍ଖା ଲଗାଇଥିବା ବ୍ୟକ୍ତିଙ୍କ ବୁଦ୍ଧିକୁ ପ୍ରଶଂସା କରିଛନ୍ତି।

Comments are closed.