ମାଲକାନଗିରି: ସୁକମା ବିଜାପୁର ସୀମାରେ ଏନକାଉଣ୍ଟର ବେଳେ ଯବାନଙ୍କୁ ବଡ ସଫଳତା ମିଳିଛି। ଯବାମାନେ ଛତିଶଗଡ ବିଜାପୁର ଜିଲ୍ଲାରେ ଏକ ବଡ ବଙ୍କର ସହ ମାଟି ତଳୁ ମାଓବାଦୀ ମାନଙ୍କର ଏକ ବନ୍ଧୁକ ତିଆରି କାରଖାନା ଠାବ କରିଛନ୍ତି। ଗତ ଦୁଇ ଦିନ ଧରି ଦକ୍ଷିଣ ବସ୍ତର ଅନ୍ତର୍ଗତ ସୁକମା, ବିଜାପୁର ଓ ତେଲେଙ୍ଗାନାରେ ପୁଲିସ୍ ଏନକାଉଣ୍ଟରରେ ୧୨ ମାଓବାଦୀ ନିହତ ହେବା ପରେ ସର୍ଚ୍ଚ ଅପରେସନ୍ ଚାଲିଥିଲା। ଏହି ସମୟରେ ଏକ ବଙ୍କର ଠାବ ହୋଇଛି। ମାଟି ତଳେ ଏକ ବନ୍ଧୁକ ତିଆରି କାରଖାନା ମଧ୍ୟ ଦେଖିବାକୁ ମିଳିଛି। ଲେଥ୍ ମେସିନ୍, କଟିଂ ମେସିନ୍, ଡ୍ରିଲ୍ ମେସିନ୍, ବଣ୍ଡଲ୍ ବଣ୍ଡଲ୍ ବିଦ୍ୟୁତ୍ ତାର, ବନ୍ଧୁକ ତିଆରି ଲାଗି ବିଭିନ୍ନ ମାପର ପାଇପ୍ ଆଦି ଠାବ ହୋଇଛି। ତେବେ ଡିଆରଜି ଯବାନ ମାନେ ଏହି କାରଖାନାକୁ ନଷ୍ଟ କରିଛନ୍ତି।
Popular Categories
Previous article
Next article