ନୂଆଦିଲ୍ଲୀ : ସୋସିଆଲ ମିଡିଆରେ ଭାଇରାଲ୍ ହେଉଥିବା ଜୀବଜନ୍ତୁ ଓ ଜଙ୍ଗଲୀ ହିଂସ୍ର ଜନ୍ତୁଙ୍କ ଅନେକ ଭିଡିଓ ସଭିଁଙ୍କ ଧ୍ୟାନକୁ ଆକର୍ଷିତ କରିବା ସହ ବେଶ ଭୟଭୀତ ମଧ୍ୟ କରିଥାଏ । ନିକଟରେ ସୋସିଆଲ ମିଡିଆରେ ଏପରି ହିଁ ଏକ ଭିଡିଓ ଦ୍ରୁତ ଗତିରେ ଭାଇରାଲ୍ ହେଉଛି, ଯାହାକୁ ଦେଖିଲେ ଯେ କେହି ଭୟଭୀତ ହେବା ସାଧାରଣ କଥା ।
ଭିଡିଓରେ ଦେଖିପାରିବେ ଆଫ୍ରିକାର ଏକ ସୁପରମାର୍କେଟରେ ହଠାତ୍ ଏକ ବିଶାଳକାୟ ସିଂହ ପଶି ଆସୁଛି ।
ସାଧାରଣତଃ ମଲ୍ ହେଉ କି ସୁପରମାର୍କେଟ ଏସବୁ ସ୍ଥାନକୁ ଲୋକେ ଜିନିଷପତ୍ର କିଣିବା ପାଇଁ ଯାଆନ୍ତି । ଏଠାରେ ଏଭଳି ଘଟଣା ଘଟିବା ନେଇ କେହି କଳ୍ପନା ମଧ୍ୟ କରିନଥିବେ । ସିଂହକୁ ଦେଖିବା ମାତ୍ରେ ଗ୍ରାହକ, କର୍ମଚାରୀ ଓ ସିକ୍ୟୁରିଟି ଗାର୍ଡଙ୍କ ମଧ୍ୟରେ ଭୟ ଓ ହଇଚଇ ସୃଷ୍ଟି ହୋଇଥିଲା । ଲୋକେ ନିଜ ଜୀବନ ରକ୍ଷା କରିବାକୁ ଏଣେତେଣେ ଦୌଡିବାକୁ ଆରମ୍ଭ କରିଥିଲେ । ସିଂହଟି ଗେଟ୍ ଦ୍ୱାରା ସୁପରମାର୍କେଟ ଭିତରକୁ ପଶି ସିଧାସଳଖ ମାଂସ ରଖାଯାଇଥିବା ସ୍ଥାନ ଆଡକୁ ଯାଉଛି ।
ସିଂହଟିକୁ ଦେଖିଲେ ସେ ଭୋକିଲା ଭଳି ମନେ ହେଉଛି । ସିଂହ ମାଂସ ରଖାଯାଇଥିବା ସ୍ଥାନକୁ ଯାଉଛି, ସେଠାରୁ ମାଂସ ନେଇ ପ୍ୟାକେଟ୍ରୁ ଖାଇବାକୁ ଲାଗୁଛି । ସମ୍ପୂର୍ଣ୍ଣ ଘଟଣା ସୁପରମାର୍କେଟର ସିସିଟିଭିରେ କଏଦ ହୋଇଛି । ଏହି ସୁପରମାର୍କେଟଟି ଜଙ୍ଗଲ ନିକଟରେ ରହିଛି ବୋଲି କୁହାଯାଉଛି । ଖବର ପାଇ ବନବିଭାଗ ଓ ପୁଲିସ ଘଟଣାସ୍ଥଳରେ ପହଞ୍ଚି ସିଂହକୁ କାବୁ କରିବା ସହ ଜଙ୍ଗଲରେ ଛାଡି ଥିଲେ । ଭିଡିଓ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
ଦୃଶ୍ୟମ୍ ଫିଲ୍ମରୁ କମ୍ ନୁହେଁ ; ବୋହୂକୁ ହତ୍ୟା କରି ଏମିତି ପୋତିଥିଲେ ମୃତଦେହ
