ଭୁବନେଶ୍ବର : ଉତ୍ତର ଶ୍ରୀଲଙ୍କାରୁ ପଶ୍ଚିମ କେନ୍ଦ୍ରୀୟ ବଙ୍ଗୋପସାଗର ମଧ୍ୟ ଦେଇ ଦକ୍ଷିଣ ଆନ୍ଧ୍ରପ୍ରଦେଶ ପର୍ଯ୍ୟନ୍ତ ଏକ ନିମ୍ନଚାପ ରେଖା ଲମ୍ବିଛି । ଏହାର ପ୍ରଭାବରେ ଦକ୍ଷିଣ ଓଡ଼ିଶାରେ ହାଲୁକାରୁ ମଧ୍ୟମ ଧରଣ ବର୍ଷା ହେଉଛି। ଆସନ୍ତା ୫ ତାରିଖ ପର୍ଯ୍ୟନ୍ତ ଦକ୍ଷିଣ ଓଡ଼ିଶାର କେତେକ ସ୍ଥାନରେ ବିଜୁଳି ଘଡଘଡି ସହ ବର୍ଷା ହେବା ସମ୍ଭାବନା ଥିବା ଭୁବନେଶ୍ବର ପାଣିପାଗ ବିଜ୍ଞାନ କେନ୍ଦ୍ର ପୂର୍ବାନୁମାନ କରିଛି। ପାଣିପାଗ କେନ୍ଦ୍ରର ଆକଳନ ଅନୁଯାୟୀ, ଆସନ୍ତା ୨୪ ଘଣ୍ଟା ମଧ୍ୟରେ ମାଲକାନଗିରି, କୋରାପୁଟ, ରାୟଗଡା, ନବରଙ୍ଗପୁର, ଗଜପତି ଓ ଗଞ୍ଜାମ ଜିଲାର ଗୋଟିଏରୁ ଦୁଇଟି ସ୍ଥାନରେ ବର୍ଷା ହୋଇପାରେ। ଉତ୍ତର ଓଡ଼ିଶାରେ ପାଗ ମୁଖ୍ୟତଃ ଶୁଖିଲା ରହିବ। ଗତ ୨୪ ଘଣ୍ଟା ମଧ୍ୟରେ ମାଲକାନଗିରିରେ ୨ ମିମି ଏବଂ ଜିଲାର ମାଥିଲିରେ ୪ ମିମି ବର୍ଷା ହୋଇଛି। ଆଜି କୋରାପୁଟରେ ୧୨ ମିମି ବର୍ଷା ରେକର୍ଡ କରାଯାଇଛି। ଗତ କିଛି ଦିନ ହେଲା ବଙ୍ଗୋପସାଗର ପୂର୍ବଭାଗରୁ ରାଜ୍ୟକୁ ତରଙ୍ଗାୟିତ ବାୟୁ ପ୍ରବାହ କରୁଛି। ରାଜ୍ୟରେ ଶୀତ ଅନୁଭୂତରେ ବିଳମ୍ବ ହେଉଛି। ତରଙ୍ଗାୟିତ ବାୟୁ ପ୍ରବାହ ଦ୍ବାରା ରାତି ତାପମାତ୍ରା ଅଧିକ ରହୁଛି। ନଭେମ୍ବର ପହିଲା ସୁଦ୍ଧା ଫୁଲବାଣୀରେ ରାତି ତାପମାତ୍ରା ୧୫ ଡିଗ୍ରୀ ସେଲସିୟସ୍ ତଳେ ରହିବା କଥା, ହେଲେ ବର୍ତ୍ତମାନ ପରିସ୍ଥିତିରେ ସେଠାରେ ୧୮ ଡିଗ୍ରୀ ସର୍ବନିମ୍ନ ତାପମାତ୍ରା ରହୁଛି। ଦାରିଙ୍ଗବାଡିରେ ମଧ୍ୟ ରାତି ତାପମାତ୍ରା ସ୍ବାଭାବିକରୁ ଅଧିକ ରହୁଛି।
Popular Categories
Previous article
Next article