ଲାଞ୍ଜିଗଡ଼: ସପ୍ତାହେରୁ ଊର୍ଦ୍ଧ୍ବ ବିତିବାକୁ ବସିଲାଣି, କିନ୍ତୁ ନିଖୋଜ ଥିବା ଫରେଷ୍ଟଗାର୍ଡ ସୁହାଗରଞ୍ଜନ ପଣ୍ଡାଙ୍କ ପତ୍ତା ମିଳୁନି। ଲାଞ୍ଜିଗଡ ବ୍ଲକ ବିଶ୍ୱନାଥପୁର ବନାଞ୍ଚଳ ସିକେରକୁପା ସେକ୍ସନରେ କାର୍ଯ୍ୟରତ ଫରେଷ୍ଟଗାର୍ଡ ଶ୍ରୀ ପଣ୍ଡା ସପ୍ତାହେ ତଳେ ଖିକସାଭଟାଠାରେ ନବନିର୍ମିତ ଆମ ଜଙ୍ଗଲ ଯୋଜନାର ଏକ ଗୃହର ନିରୀକ୍ଷଣ ପାଇଁ ବାହାରିଥିଲେ। ସେଠାରୁ ସେ ନିଖୋଜ ହୋଇଯାଇଥିବା ନେଇ ପରିବାର ଲୋକେ ଓ ବନବିଭାଗ ପକ୍ଷରୁ ନର୍ଲା ଥାନାରେ ଏତଲା ଦିଆଯାଇଥିବାବେଳେ ପୁଲିସର ଛାନବିନ ସତ୍ତ୍ବେ ଶ୍ରୀ ପଣ୍ଡାଙ୍କ ସମ୍ପର୍କରେ କୌଣସି ଖୋଜଖବର ନମିଳିବା ଉଭୟ ବନ ବିଭାଗ ଓ ପୁଲିସର ଚିନ୍ତା ବଢାଇଦେଇଛି। ଏପରିକି ଫରେଷ୍ଟଗାର୍ଡଙ୍କ ପରିବାରରେ କାନ୍ଦବୋବାଳି ପଡିଥିବାବେଳେ ସେମାନେ ଯାହାକୁ ଦେଖିଲେ ନିଜ ପୁଅକୁ ଖୋଜିଆଣିଦେବାକୁ ନେହୁରା ହେଉଛନ୍ତି।
Popular Categories
Previous article
Next article