ଚନ୍ଦ୍ରଶେଖରପୁର : ଇନ୍ଫୋସିଟି ଥାନା ଅଧୀନ ଟାଇମ୍ସ ସିକ୍ୟୁରିଟି ସଂସ୍ଥା କାର୍ଯ୍ୟାଳୟ ସମ୍ମୁଖରୁ ଶୁକ୍ରବାର ୨ଲକ୍ଷ ୫୦ହଜାର ଟଙ୍କା ଝାମ୍ପି ଚମ୍ପଟ ମାରିଛନ୍ତି ଦୁର୍ବୃତ୍ତ। ଟାଇମ୍ସ ସିକ୍ୟୁରିଟି ସଂସ୍ଥାର ଶିଶିର କୁମାର ମହାପାତ୍ର ଏହି ଲୁଟ୍ର ଶିକାର ହୋଇଛନ୍ତି।
ପୁଅର ନାମ ଲେଖାଇବା ପାଇଁ ସେ ନିକଟସ୍ଥ ଏସ୍ବିଆଇ ଶାଖାରୁ ଟଙ୍କା ଉଠାଇ କାର୍ଯ୍ୟାଳୟ ସମ୍ମୁଖରେ ପହଞ୍ଚିବା ମାତ୍ରେ ଏକ ମୋଟରସାଇକଲରେ ୨ ଦୁର୍ବୃତ୍ତ ଆସି ଧକ୍କା ଦେଇ ଟଙ୍କା ଲୁଟି ନେଇ ଫେରାର୍ ହୋଇଯାଇଥିଲେ। ଏନେଇ ଶ୍ରୀ ମହାପାତ୍ର ସ୍ଥାନୀୟ ଥାନାରେ ଲିଖିତ ଅଭିଯୋଗ କରିବା ପରେ ପୁଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ନିକଟ ଅଞ୍ଚଳରେ ଲାଗିଥିବା ସିସିଟିଭି ଫୁଟେଜକୁ ଜବତ କରି ଅଭିଯୁକ୍ତଙ୍କୁ ଧରିବା ପାଇଁ ପୁଲିସ ଉଦ୍ୟମ ଜାରି ରଖିଛି।
Comments are closed.