ମାଟି ଅତଡ଼ା ଧସି ୩ ମହିଳା ମୃତ

କୋରାପୁଟ: ଚୂନମାଟି ଅତଡ଼ା ଖସି ୩ଜଣ ମହିଳାଙ୍କ ମୃତ୍ୟୁ ହୋଇଥିବାବେଳେ ଜଣେ ଗୁରୁତର ଆହତ ହୋଇଛନ୍ତି। ଏହି ୪ଜଣ ମହିଳା ଘର ଲିପିବା ପାଇଁ ମାଟି ଆଣୁଥିବାବେଳେ ଅଘଟଣ ଶିକାର ହୋଇଛନ୍ତି। ଗୁରୁତର ମହିଳା ଜଣଙ୍କ ପଟ୍ଟାଙ୍ଗି ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି ହୋଇଥିବା ସୂଚନା ମିଳିଛି।
ମିଳିଥିବା ସୂଚନା ଅନୁଯାୟୀ ମାଟି ଅତଡ଼ା ଖସି ୩ ଜଣ ମହିଳାଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ମହିଳାଙ୍କ ଅବସ୍ଥା ଗୁରୁତର ହୋଇଛି। କୋରାପୁଟ ଜିଲା ପୋଡ଼ାଗୁଡ଼ାରେ ଘଟିଛି ଏଭଳି ଅଘଟଣ। ଗୁରୁତର ମହିଳାଙ୍କୁ ପଟ୍ଟାଙ୍ଗି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି। ପଟାଙ୍ଗି ଥାନା ରାଲେଗଡ଼ ପଞ୍ଚାୟତର ମିରିଆଲିପାଡ଼ୁ ଗାଁର ୧୧ ଜଣ ମହିଳା ଆଜି ସକାଳେ ଚୂନ ମାଟି ଆଣିବା ପାଇଁ ପୋଡ଼ାଗୁଡ଼ା ପାହାଡ଼କୁ ଯାଇଥିଲେ। ସେମାନଙ୍କ ଭିତରୁ ୩ ଜଣ ମହିଳା ସୁଢଙ୍ଗ ଭିତରେ ପଶି ଚୂନ ମାଟି ଖୋଳୁଥିଲେ। ଆଉ ଜଣେ ମହିଳା ସୁଢ଼ଙ୍ଗ ଭିତରୁ ପଶୁଥିବା ବେଳେ ହଠାତ୍‌ ବର୍ଷା ହେବାରୁ ମାଟି ଅତଡ଼ା ଖସି ପଡ଼ିଥିଲା। ଫଳରେ ୩ ଜଣ ମହିଳା ଚାପି ହୋଇ ଯାଇଥିଲେ। ତେବେ ସେମାନଙ୍କ ଚିତ୍କାର ଶୁଣି ଅନ୍ୟ ମହିଳାମାନେ ସେଠାରେ ପହଞ୍ଚି ସେମାନଙ୍କ ଭିତରୁ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିଲେ। ତେବେ ଅନ୍ୟ ୩ ଜଣ ମହିଳା ମାଟି ଭିତରେ ପୋତି ହୋଇ ଯାଇଥିଲେ ଏବଂ ଘଟଣା ସ୍ଥଳରେ ସେମାନଙ୍କର ମୃତ୍ୟୁ ଘଟିଥିଲା। ଗୁରୁତର ଆହତ ମହିଳାଙ୍କୁ ପଟାଙ୍ଗି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି। ଖବର ପାଇ ଘଟଣାସ୍ଥଳରେ ପୁଲିସ ପହଞ୍ଚିିଛି ଏବଂ ତଦନ୍ତ ଆରମ୍ଭ କରିଛି।