ନୂଆଦିଲ୍ଲୀ : ସୋସିଆଲ ମିଡିଆରେ ଜୀବଜନ୍ତୁଙ୍କ ଅନେକ ଭିଡିଓ ଭାଇରାଲ୍ ହୋଇଥାଏ । ଯାହା ଅନେକ ସମୟରେ ଆଶ୍ଚର୍ଯ୍ୟ ଚକିତ କରିବା ସହ ଭୟଭୀତ ମଧ୍ୟ କରିଥାଏ । କେତେକ ସମୟରେ ସାପର ଅନେକ ଭିଡିଓ ଆସିଥାଏ । ଯାହାକୁ ଲୋକେ ବାରମ୍ବାର ଦେଖିବା ସହ ସଭିଁଙ୍କ ଧ୍ୟାନକୁ ଏହା ଆକର୍ଷିତ କରିଥାଏ । ଦେଶ ତଥା ରାଜ୍ୟର ଅନେକ ସ୍ଥାନରେ ବର୍ଷା ହେଉଛି । ମୌସୁମୀ ମଧ୍ୟ ପାଖେଇ ଆସିଲାଣି । ବର୍ଷା ହେଲେ ମୁଖ୍ୟତଃ ଘର ଠାରୁ ଆରମ୍ଭ କରି ବିଭିନ୍ନ ସ୍ଥାନରେ ସାପ ଦେଖାଯାନ୍ତି । ବର୍ଷା ଦିନେ ସାପ କାରଣରୁ ଅନେକ ଅଘଟଣ ମଧ୍ୟ ଘଟିଥିବା ସାମ୍ନାକୁ ଆସିଥାଏ । ଏପରି କିଛି ଭିଡିଓ ସାମ୍ନାକୁ ଆସିଥାଏ, ଯେଉଁଥିରେ ଘର ଭିତରେ ସାପ ଲୁଚି ରହିଥାଏ । ନିକଟରେ ସାପର ଏଭଳି ଏକ ଭିଡିଓ ସାମ୍ନାକୁ ଆସିଛି, ଯାହା ଖୁବ୍ ଭୟଭୀତ କରୁଛି । ଭିଡିଓଟି ଉତ୍ତରାଖଣ୍ଡର ବୋଲି କୁହାଯାଉଛି । ଭିଡିଓରେ ଶୋଇବା କକ୍ଷରେ ଏକ ବିରାଟକାୟ ଅହିରାଜ ସାପ ବୁଲୁଥିବା ଦେଖାଯାଉଛି ।
ଭିଡିଓରେ ସ୍ପଷ୍ଟ ଭାବେ ଦେଖାଯାଉଛି, ପ୍ରାୟ ୧୦ ଫୁଟ୍ ଲମ୍ବ ବିଶିଷ୍ଟ ଅହିରାଜ ଏକ ଶୋଇବା କକ୍ଷରେ ବୁଲୁଥିବା ଦେଖାଯାଇଥିଲା । ଖଟ ନିକଟରେ ସାପଟି ବୁଲୁଥିବା ଦେଖାଯାଉଛି । ଭିଡିଓ ଶେୟାର କରାଯିବା ପରେ ଲୋକେ ଏହାକୁ ଦେଖି ନିଜର ଭିନ୍ନ ଭିନ୍ନ ପ୍ରତିକ୍ରିୟା ଦେଇଛନ୍ତି ।
ଏହି ଭିଡିଓରେ ସାପଟି ଶୋଇବା କକ୍ଷରେ ଆରାମରେ ବୁଲୁଛି । ହଠାତ୍ ସାପଟି ଫଣା ଟେକି ଠିଆ ହେଉଥିବା ମଧ୍ୟ ଦେଖିପାରିବେ । ଭିଡିଓଟି ବାସ୍ତବିକ ଭୟଭୀତ କରୁଥିବା ଲୋକେ କହିଛନ୍ତି ।
