ବୃକକ୍ ପ୍ରତିରୋପଣ ରୋଗୀଙ୍କ ଦାବି-ବରିଷ୍ଠ ଡାକ୍ତର ନିଯୁକ୍ତି କର, ଔଷଧ ଦିଅ; ନଚେତ୍ ଆତ୍ମାହୂତି
ଭୁବନେଶ୍ବର : ଏଣିକି ଆଉ ଧାରଣା ନୁହେଁ; ପିଏମ୍ଜିରେ ଆତ୍ମାହୁତି ଦେବୁ। ଏଭଳି କହିଛନ୍ତି ଓଡ଼ିଶା ବୃକକ୍ ପ୍ରତିରୋପଣ ରୋଗୀ ସଂଘ ସମ୍ପାଦିକା ଜୟଶ୍ରୀ ବେହେରା। ବିଭାଗୀୟ କର୍ତ୍ତୃପକ୍ଷ ରାଜ୍ୟବାସୀଙ୍କୁ ଭୁଲ୍ ତଥ୍ୟ ଦେଇଛନ୍ତି। ଯାହାକି ସୂଚନା ଅଧିକାର ବଳରେ ହସ୍ତଗତ ତଥ୍ୟରୁ ଜଣାପଡ଼ିଛି। ତତ୍କାଳୀନ ମୁଖ୍ୟ ଶାସନ ସଚିବ କହିଥିଲେ ଯେ, ରାଜ୍ୟରେ ମୋଟ ୧୮୭ ରୋଗୀ ବୃକକ୍ ପ୍ରତିରୋପଣ କରିଥିବାବେଳେ ସେଥିରୁ ୬୫ଜଣଙ୍କ ମୃତ୍ୟୁ ହୋଇଛି। ହେଲେ ସୂଚନା ଅଧିକାର ବଳରେ ହସ୍ତଗତ ତଥ୍ୟ ଅନୁସାରେ ମୋଟ ୧୯୦ ରୋଗୀରୁ ୪୫ ଜଣଙ୍କ ମୃତ୍ୟୁ ହୋଇଛି।
ସେହିପରି ସ୍ବାସ୍ଥ୍ୟ ସଚିବ କହିଥଲେ ଯେ, ରାଜ୍ୟରେ ମୋଟ ୮ ନେଫ୍ରୋଲୋଜିଷ୍ଟ ଅଛନ୍ତି; ମାତ୍ର ହସ୍ତଗତ ତଥ୍ୟ ଅନୁସାରେ ଦୁଇଜଣ ଅଛନ୍ତି। ବର୍ତ୍ତମାନ ଏସ୍ସିବିରେ ଚିକିତ୍ସା ମିଳୁନଥିବାରୁ କଲକାତା ଆରଏନଟିରେ ଅନେକ ରୋଗୀ ଚିକିତ୍ସିତ ହେଉଛନ୍ତି। ତୁରନ୍ତ ଚିକିତ୍ସା ପାଇଁ ପ୍ରଫେସର ନିଯୁକ୍ତି ସହିତ ଔଷଧ ଦେବାକୁ ଦାବି କରିଛି ସଂଘ। ଯଦି ସରକାର ଏଦିଗରେ କୌଣସି ନିଷ୍ପତ୍ତି ନନିଅନ୍ତି ତେବେ ଆଉ ଧାରଣା ନୁହେଁ ଲୋୟର ପିଏମ୍ଜିରେ ଆତ୍ମାହୁତି ଦେବୁ ବୋଲି ସେ ଚେତାବନୀ ଦେଇଛନ୍ତି।
Comments are closed.