କର୍ଣ୍ଣାଟକ: କର୍ଣ୍ଣାଟକର ୧୦ ଜଣ ବିଦ୍ରୋହୀ କଂଗ୍ରେସ ଓ ଜେ.ଡି.ଏସ୍. ବିଧାୟକ ସେମାନଙ୍କ ଜୀବନ ପ୍ରତି ବିପଦ ଥିବା ମୁମ୍ବାଇ ପୁଲିସ୍କୁ ଜଣାଇଛନ୍ତି। ବୁଧବାର କର୍ଣ୍ଣାଟକ ମୁଖ୍ୟମନ୍ତ୍ରୀ ଏଚ୍.ଡି. କୁମାରସ୍ୱାମୀ ଓ କଂଗ୍ରେସ ନେତା ଡି.କେ. ଶିବକୁମାର ମୁମ୍ବାଇରେ ବିଦ୍ରୋହୀ ବିଧାୟକଙ୍କୁ ସାକ୍ଷାତ କରିବାକୁ ଯାଇଥିଲେ। କିନ୍ତୁ ବିଧାୟକମାନେ କୁମାରସ୍ୱାମୀ ଓ ଶିବକୁମାରଙ୍କୁ ସାକ୍ଷାତ୍ କରିବାକୁ ଚାହୁଁ ନାହାନ୍ତି ଓ ପୁଲିସ୍ ସେମାନଙ୍କୁ ହୋଟେଲ୍ ପରିସର ଭିତରକୁ ଆସିବାକୁ ନ ଦେବାକୁ ଅନୁରୋଧ କରିଥିଲେ।
ବିଧାୟକ ଶିବରାମ ହେବର୍, ପ୍ରତାପ ଗୌଡ଼ା ପାଟିଲ୍, ବି.ସି. ପାଟିଲ୍, ବୈରାତି ବାସବରାଜ୍, ଏସ୍.ଟି. ସୋମଶେକର୍, ରମେଶ ଜର୍କିହୋଲି, ଗୋପାଲାୟା, ଏଚ୍. ବିଶ୍ୱନାଥ, ନାରାୟଣ ଗୌଡ଼ା ଓ ମୁକେଶ କୁମ୍ତଲି ପ୍ରମୁଖ ପୁଲିସରେ ଏ ସମ୍ପର୍କରେ ଅଭିଯୋଗ କରିଛନ୍ତି। ସେହି ଅଭିଯୋଗ ପତ୍ରର ନକଲ ୧୦ ଜୋନ୍ ପୁଲିସ୍ ଡେପୁଟି କମିଶନର୍, ପୋୱାଇ ଥାନା ଇନ୍ସ୍ପେକ୍ଟର ଓ ହୋଟେଲ୍ ମ୍ୟାନେଜର୍ଙ୍କ ପାଖକୁ ପଠାଯାଇଛି।
