କାମାଖ୍ୟାନାଗର : କାମାଖ୍ୟାନାଗର ଥାନା ଆଳତୁମା ଗ୍ରାମ ନିକଟବର୍ତ୍ତୀ ରାମିଆଳ ନଦୀକୁ ଗାଧୋଇବାକୁ ଯାଉଥିବା ବେଳେ ଆମ୍ବ ଗଛରୁ ଡାଳ ପଡି ଜଣେ ଯୁବକଙ୍କର ମୃତ୍ୟୁ ଘଟିଛି। ମୃତ ଯୁବକ ଜଣଙ୍କ ହେଲେ କାମାଖ୍ୟାନାଗର ଏନଏସି ଅନ୍ତର୍ଗତ ଆଳତୁମା ଗ୍ରାମ ଶବର ବସ୍ତିର ମୁନା ଦେହୁରୀ ବୋଲି ସୂଚନା ମିଳିଛି।
ମୁନା ଗାଧୋଇବାକୁ ନଦୀକୁ ଯାଉଥିବା ବେଳେ ଆମ୍ବ ଗଛରୁ ଏକ ବଡ଼ ଡାଳ ତାଙ୍କ ଉପରେ ଖସି ପଡିଥିଲା। ତେବେ ତାଙ୍କ ଚିତ୍କାର ଶୁଣି ପାଖରେ ଥିବା ଲୋକମାନେ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ଏ ନେଇ ଗ୍ରାମରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି।
