କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକର ତିନୋଟି ସ୍ଥାନରେ ଲାଗିଛି ମାଓ ବ୍ୟାନର । ଗତକାଲି ବିଳମ୍ବିତ ରାତିରେ ଏକ ବାଇକ ଯୋଗେ ଦୁଇଜଣ ଯୁବକ ଆସି ବୁଡ଼ାଗୁଡା କ୍ୟାମ୍ପରେ ଥିବା ଟ୍ରଲି ଗାଡିରେ ନିଆଁ ଲଗାଇ ଦେଇଥିଲେ ।ଗାଡି ଜଳିବା ଶବ୍ଦ ଶୁଣି କ୍ୟାମ୍ପରେ ସୋଇଥିବା ପିଅନ ଉଠି ନିଆଁ ଲିଭାଇବା ପାଇଁ ପ୍ରୟାସ କରିବା ବେଳେ ଏକ ବାଇକରେ ଦୁଇ ଯୁବକଙ୍କୁ ଦେଖିଥିଲେ । ସେହି ସମୟରେ ଉକ୍ତ ରାସ୍ତା କ୍ୟାମ୍ପରେ ଏକ ବ୍ୟାନର, ସିକରପାଇ ବଟଗଛ ଓ କଲ୍ୟାଣସିଂହପୁର ତହସିଲଦାର କାର୍ୟ୍ୟାଳୟ ଫାଟକରେ ସମୁଦାୟ ତିନୋଟି ବ୍ୟାନର ଲାଗିଥିବା ଦେଖିବାକୁ ମିଳିଛି । ଉକ୍ତ ବ୍ୟାନରରେ ଭାରତୀୟ କମ୍ୟୁନିଷ୍ଟ ପାର୍ଟି ମାଓବାଦୀ ଉଲ୍ଲେଖ କରିଛନ୍ତି, ୱାର୍ଡ ସଭ୍ୟ ଠାରୁ ମନ୍ତ୍ରୀ ପର୍ୟ୍ୟନ୍ତ ଦଲାଲ କାମ କରୁଛନ୍ତି । ଠିକ କାମ ନକଲେ ହତ୍ୟା କରାଯିବ । ଆଡିବନ୍ଧ କେନାଲ, ପୋଖରୀ ଇତ୍ୟାଦି କାମକୁ ବିରୋଧରେ କରିଛନ୍ତି ମାଓବାଦୀ । ଏହିବିଷୟରେ ଥାନା ଅଧିକାରୀ ସୁକୁମା ହଂସୁଦା ଙ୍କୁ ପଚାରିବାରୁ ସେ କହିଲେ ବ୍ୟାନର ଜବତ କରାଯାଇଛି । କିନ୍ତୁ ଏହା ଅସଲି କି ନକଲି ମାଓବାଦୀ ଉଲ୍ଲେଖ କରିଛନ୍ତି ତାହା ଜଣାପଡ଼ିନାହିଁ ।
Popular Categories
Previous article
Next article