କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ମାଝୀଗୁଡା ସଦର ପଞ୍ଚାୟତର ବ୍ୟାଙ୍କ ସାହିରେ ବିଦ୍ୟୁତ ସର୍ଟ ସର୍କିଟ ହୋଇ ଚାରିଟି ଘର ଜଳି ଯାଇଛି। ମଙ୍ଗଳବାର ରାତି ୧୨ଟା ୪୦ମିନିଟରେ ସାହିର କିଛି ଲୋକ ବାହାରକୁ ଉଠି ଆସିବା ବେଳେ ସାପା ଜୟରାମ, ସିଲା କ୍ରିଷ୍ଣ।,ବାରାଟମ ଶିନୀବାସ ରାଓ, ଭୋମି ରମେଶଙ୍କ ଘର ଜଳୁଥିବା ଦେଖିଥିଲେ। ସଙ୍ଗେ ସଙ୍ଗେ ଉକ୍ତ ପରିବାରକୁ ଉଠାଇ ସ୍ଥାନୀୟ ଥାନା ଓ ଅଗ୍ନିଶମ ବିଭାଗକୁ ସୂଚନା ଦେଇଥିଲେ। ଘଟଣାସ୍ଥଳରେ ଥାନା ଅଧିକାରୀ ନୀଳକଣ୍ଠ ବେହେରା,ଏସ ଆଇ ପୁରୁଷୋତ୍ତମ ଜାନି ଓ ଅଗ୍ନିଶମ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଥିଲେ। କେଉଁ ଠାରୁ ବିଦ୍ୟୁତ ସର୍ଟ ସର୍କିଟ ହୋଇ ଘରେ ନିଆଁ ଲାଗିଛି, ତାହାର କୌଣସି ସ୍ପଷ୍ଟତା ମିଳିନାହିଁ। ଏହି ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ଆସବାବପତ୍ର, ଖାଦ୍ୟ ସାମଗ୍ରୀ, ଖଟ, ଟିଭି, ପୋଷାକ ପୋଡି ନଷ୍ଟ ହୋଇଯାଇଛି। ଆଜି ସକାଳୁ ମାଝୀଗୁଡା ରାଜସ୍ୱ ନିରୀକ୍ଷକ ନମିତା ରାଣୀ ଗମାଙ୍ଗ, ତହସିଲଦାର ରଞ୍ଜନ କୁମାର ମାନସେଠ ଘଟଣାସ୍ଥଳରେ ପହଞ୍ଚି ଅନୁଧ୍ୟାନ କରି କ୍ଷୟକ୍ଷତିର ଆକଳନ କରିଛନ୍ତି। କ୍ଷତିଗ୍ରସ୍ତଙ୍କୁ ସରକାରଙ୍କ ପକ୍ଷରୁ ସହାୟତା ଯୋଗାଇ ଦିଆଯାଉ ବୋଲି ଗ୍ରାମବାସୀ ଦାବି କରିଛନ୍ତି।
୧୦୦ ବର୍ଷ ପରେ ହିନ୍ଦୁ ନବବର୍ଷରେ ଦୁର୍ଲ୍ଲଭ ଯୋଗ : ଏହି ରାଶିଙ୍କ ହଠାତ୍ ଚମକିବ ଭାଗ୍ୟ, ମିଳିବ ଧନ, ବଢିବ ଦରମା..
Comments are closed.