ଭବାନୀପାଟଣା: କଳାହାଣ୍ଡି ଜିଲ୍ଲା ପୌର ନିର୍ବାଚନର ନଗରପାଳ ଓ ନଗରପାଳିକା ଫଳାଫଳ ଆସିଛି । ଏହି ନିର୍ବାଚନରେ ଉଭୟ ବିଜେପି ଓ ବିଜେଡି ମଧ୍ୟରେ କଡ଼ା ଟକ୍କର ହୋଇଛି । କାରଣ କଳାହାଣ୍ଡି ଜିଲ୍ଲାର ଦୁଇଟି ଲେଖାଏ ଆସନ ହାତେଇଛନ୍ତି ଉଭୟ ବିଜେଡି ଓ ବିଜେପି । ଭବାନୀପାଟଣା ପୌରପରିଷଦରେ ବିଜେଡି ପ୍ରାର୍ଥୀ ସଂଯୁକ୍ତା ବେହେରା ବିଜୟୀ ହୋଇଥିବା ବେଳେ ତାଙ୍କୁ ମିଳିଛି ୧୪, ୧୩୫ ଖଣ୍ଡ ଭୋଟ୍ । ସେହିପରି ବିଜେପିର ବୀନିତା ଦାସଙ୍କ ୧୩,୨୮୮ ଖଣ୍ଡ ଭୋଟ୍ ମିଳିଛି । କେସିଙ୍ଗା ଏନଏସିକୁ ମଧ୍ୟ ହାତେଇଛି ବିଜେଡି । ବିଜେଡି ପ୍ରାର୍ଥୀ ନୃପରାଜ ଯାଦବ ୫୧୦୩ ଖଣ୍ଡ ଭୋଟ୍ ପାଇ ବିଜୟୀ ହୋଇଛନ୍ତି । କଂଗ୍ରେସ ପ୍ରାର୍ଥୀ ରାମକୁମାର ଜୈନଙ୍କୁ ମିଳିଛି ୪୧୯୧ ଖଣ୍ଡ ଭୋଟ୍ । ଅନ୍ୟପଟେ ଜୁନାଗଡ଼ ଓ ଧର୍ମଗଡ଼ ଏନ ଏ ସି ହତେଇଛି ବିଜେପି । ଜୁନାଗଡରେ ବିଜେପି ପ୍ରାର୍ଥୀ ମୁକେଶ ଅଗ୍ରବାଲ ୫୮୮୯ ଖଣ୍ଡ ଭୋଟ୍ ପାଇ ବିଜୟ ହାସଲ କରିଛନ୍ତି । ଜୁନାଗଡ଼ରେ ବିଜେଡି ପ୍ରାର୍ଥୀ ମହେଶ କୁମାର ସାହୁ ୪,୭୧୫ ଖଣ୍ଡ ଭୋଟ୍ ପାଇଛନ୍ତି । ଧର୍ମଗଡ଼ରେ ମଧ୍ୟ ବିଜେପି ପ୍ରାର୍ଥୀ ଅଶୋକ କୁମାର ମହାନ୍ତି ବିଜୟ ହାସଲ କରିଛନ୍ତି । ବିଜେପି ପ୍ରାର୍ଥୀ ୫,୮୯୪ ଖଣ୍ଡ ଭୋଟ୍ ପାଇଥିବା ବେଳେ ବିଜେଡିର ରାଜେନ୍ଦ୍ର କୁମାର ମୁନୀ ୩୪୩୩ ଖଣ୍ଡ ଭୋଟ୍ ପାଇଛନ୍ତି ।
Popular Categories
Previous article
Next article