ନୂଆଦିଲ୍ଲୀ : ବିସିସିଆଇର ଅମ୍ବୁଡ୍ସମ୍ୟାନ୍ ବା କୋର୍ଟମିତ୍ର ଭାବେ ପୂର୍ବତନ ବିଚାପତି ଡିକେ ଜୈନ୍ଙ୍କୁ ଗୁରୁବାର ସୁପ୍ରିମକୋର୍ଟ ନିଯୁକ୍ତ କରିଛନ୍ତି । ଜଷ୍ଟିସ୍ ଏସ୍ଏ ବବ୍ଡେ ଓ ଏ ଏମ୍ ସାପ୍ରେଙ୍କୁ ନେଇ ଗଠିତ ପୀଠ ଏହି ଘୋଷଣା କରିଥିଲେ। ସବୁପକ୍ଷଙ୍କ ସହ ଆଲୋଚନା କରିବା ପରେ ସର୍ବସମ୍ମତିକ୍ରମେ ଡି.କେ ଜୈନ୍ଙ୍କୁ ବିସିସିଆଇ କୋର୍ଟମିତ୍ର ଭାବେ ନିଯୁକ୍ତ କରାଯାଇଥିବା ଜଣାପଡ଼ିଛି । ବିସିସିଆଇର ଅମ୍ବୁଡ୍ସମ୍ୟାନ୍ ଭାବେ ୬ଜଣ ପୂର୍ବତନ ବିଚାରପତିଙ୍କ ନାମ ତାଲିକା ସୁପ୍ରିମକୋର୍ଟ ପୀଠରେ ଉପସ୍ଥାପିତ କରାଯାଇଥିଲା। ସେମାନଙ୍କ ମଧ୍ୟରୁ ଡି.କେ ଜୈନ୍ଙ୍କୁ କୋର୍ଟମିତ୍ର ଭାବେ ନିଯୁକ୍ତ କରାଯାଇଥିଲା।
କୋର୍ଟମିତ୍ର ଭାବେ ଡି .କେ ଜୈନ୍ ରାଜ୍ୟ କ୍ରିକେଟ୍ ସଂଘର ଖେଳାଳିଙ୍କ ମଧ୍ୟରେ ଦେଖା ଦେଉଥିବା ବିବାଦର ସମାଧାନ କରିବା ସହ ଅର୍ଥନୈତିକ ବ୍ୟାପାର ମାମଲାର ମଧ୍ୟ ସମାଧାନ କରିବା କ୍ଷମତା ପାଇଛନ୍ତି। ସୂଚନାଥାଉକି ଗତବର୍ଷ ଅଗଷ୍ଟ ୯ରେ ବିସିସିଆଇ ନିମନ୍ତେ କୋର୍ଟମିତ୍ର ନିଯୁକ୍ତି ପାଇଁ ସୁପ୍ରିମକୋର୍ଟ ସ୍ବୀକୃତି ପ୍ରଦାନ କରିଥିଲେ।
ଡି.କେ ଜୈନ୍ ବିସିସିଆଇର କୋର୍ଟମିତ୍ର
Popular Categories
Previous article
Next article