ସମାଜ ଡିଜିଟାଲ ଡେସ୍କ: ଦିନିକିଆ ମହିଳା କ୍ରିକେଟ ବିଶ୍ଵକପର ରବିବାର ଏକ ମ୍ୟାଚରେ ଭାରତ ଏହାର ପାରମ୍ପରିକ ପ୍ରତିଦ୍ଵନ୍ଦ୍ଵୀ ପାକିସ୍ତାକୁ ୨୪୮ ରନର ଟାର୍ଗେଟ ଦେଇଛି। ଟସ ହାରି ପ୍ରଥମେ ବ୍ୟାଟିଂ କରୁଥିବା ଭାରତୀୟ ଦଳ ନିର୍ଦ୍ଧାରିତ ୫୦ ଓଭରରେ ସମସ୍ତ ଉଇକେଟ ହରାଇ ୨୪୭ ରନ ସଂଗ୍ରହ କରିବାରେ ସକ୍ଷମ ହୋଇଥିଲା।
ଭାରତୀୟ ଦଳ ପକ୍ଷରୁ ହରଲିନ ଦେଓଲ ସର୍ବାଧିକ ୪୬ ରନ ସଂଗ୍ରହ କରିଥିବାବେଳେ ରିଚା ଘୋଷ ୩୫ ଏବଂ ପ୍ରତିକା ରାଓ୍ବଲ ୩୧ ରନ କରିଥିଲେ। ପାକିସ୍ତାନୀ ବୋଲର ଡିଆନା ବେଗ ସର୍ବାଧିକ ୪ ଉଇକେଟ ଅକ୍ତିଆର କରିଥିବାବେଳେ ସାଦିଆ ଇକବାଲ ଓ ଫାତିମା ସାନା ୨ଟି ଲେଖାଏ ଏବଂ ରବୀନ ଶାମିମ ଓ ନସ୍ରା ସାନ୍ଧୁ ଗୋଟିଏ ଲେଖାଏ ଉଇକେଟ ହାସଲ କରିଥିଲେ।
- Advertisement -
ଜବାବରେ ପାକିସ୍ତାନ ଆରମ୍ଭରୁ ବ୍ୟାଟିଂ ବିପର୍ଯ୍ୟୟର ସାମ୍ନା କରିଛି। ୨୦ ଓଭରରେ ୩ ଉଇକେଟ ହରାଇ ୫୭ ରନ ସଂଗ୍ରହ କରିଛି। ଭାରତ ପକ୍ଷରୁ କାନ୍ତି ଗୌଡ଼ ୨ଟି ଉଇକେଟ ନେଇଛନ୍ତି।
