ନୂଆଦିଲ୍ଲୀ : ଦେଶରେ ସାର୍ବଜନୀନ କୋଭିଡ୍ ଟିକାକରଣ ୧୮୦ କୋଟି ଟପିଛି। ଦେଶବ୍ୟାପୀ ସଫଳତାର ସହ ଟିକାରଣ ଅଭିଯାନ ଆଗେଇ ଚାଲିଛି। ଏପର୍ଯ୍ୟନ୍ତ ୧୮୦ କୋଟି ୩ ଲକ୍ଷ ୭୧ ହଜାରରୁ ଅଧିକ ପାନ କରୋନା ଟିକା ଦିଆଯାଇ ସାରିଲାଣି।
୯୬ କୋଟି ୮୬ ଲକ୍ଷ ୯୯ ହଜାରରୁ ଅଧିକ ପ୍ରଥମ ପାନ ଏବଂ ୮୧ କୋଟି ୧୬ ଲକ୍ଷ ୮୩ ହଜାରରୁ ଅଧିକ ଦ୍ୱିତୀୟ ପାନ ଟିକା ଦିଆଯାଇଛି। ୧ କୋଟି ୯୯ ଲକ୍ଷ ୮୮ହଜାରରୁ ଅଧିକ ପ୍ରତିଷେଧାତ୍ମକ ପାନ(ବୁଷ୍ଟର ଡୋଜ) ଦିଆଯାଇଛି। କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ମନସୁଖ ମାଣ୍ଡଭ୍ୟ ଏଥିପାଇଁ ସମସ୍ତଙ୍କୁ ଅଭିନନ୍ଦନ ଜଣାଇବା ସହ ବିଶ୍ବର ସର୍ବ ବୃହତ ଟିକାକରଣ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ବରେ ନୂତନ ଶିଖର ଛୁଇଁବାକୁ ଯାଉଛି ବୋଲି କହିଛନ୍ତି।
