ଭୁବନେଶ୍ବର: ଭୁବନେଶ୍ୱର ସ୍ମାର୍ଟସିଟି ଲିମିଟେଡ଼(ବିଏସ୍ସିଏଲ୍) କାର୍ଯ୍ୟାଳୟରେ କାର୍ଯ୍ୟକାରୀ ହେଉଥିବା ଭୁବନେଶ୍ୱର ମହାନଗର ନିଗମର ୧୯୨୯ ନିଃଶୁଳ୍କ ସେବା କେନ୍ଦ୍ର ନାଗରିକଙ୍କ ଉପଯୋଗୀ ହୋଇପାରିଛି। ଜୁନ ୨୪ ସୁଦ୍ଧା ଏଠାକୁ ୧,୦୧,୦୭୪ ଯୋଗାଯୋଗ ଆସିଛି।
ବିଏସ୍ସିଏଲ୍ ମୁଖ୍ୟ ନିର୍ବାହୀ ଅଧିକାରୀ ତଥା ବିଏମ୍ସି ଆୟୁକ୍ତ ସଞ୍ଜୟ ସିଂହ କହିଛନ୍ତି ଯେ କରୋନା ସଂକ୍ରମଣ ସମୟରେ ଉକ୍ତ କେନ୍ଦ୍ରରେ ପ୍ରଦାନ କରାଯାଉଥିବା ସେବା ନାଗରିକଙ୍କ ଉପକାରରେ ଆସୁଛି। ଏହା ସମୟ ଉପଯୋଗୀ ହୋଇପାରିଛି। ନାଗରିକ ୧୯୨୯କୁ ଯୋଗାଯୋଗ କରି ପରୀକ୍ଷଣ ସୁବିଧା, ପ୍ରମାଣପତ୍ର, ଡାକ୍ତରୀ ପରାମର୍ଶ, ଡାକ୍ତରଖାନା ସ୍ଥାନାନ୍ତର, ଗୃହ ସଙ୍ଗରୋଧ, ଟିକାକରଣ ପ୍ରଭୃତି ସମ୍ପର୍କରେ ସୂଚନା ପାଇବା ସହିତ ସନ୍ଦେହ ଦୂର କରୁଛନ୍ତି। ଉକ୍ତ କେନ୍ଦ୍ରକୁ ଡାକ୍ତରୀ ପରାମର୍ଶ ସେବା ପାଇଁ ୩୨ ହଜାରରୁ ଅଧିକ ଯୋଗାଯୋଗ ଆସିଛି। ଗୃହ ସଙ୍ଗରୋଧରେ ରହି ଚିକିତ୍ସିତ ହେଉଥିବା ନାଗରିକ ଶାରୀରିକ ଲକ୍ଷଣ, ଔଷଧ ସେବନ ଇତ୍ୟାଦି ବିଷୟରେ ପରାମର୍ଶ ନେଉଛନ୍ତି। ଏଠାରେ ଥିବା ୩୫ ୱାର୍କଷ୍ଟେସନେର ଡାକ୍ତରଙ୍କ ବ୍ୟତୀତ ୪୮କର୍ମଚାରୀ ବିଭିନ୍ନ କାର୍ଯ୍ୟ କରୁଛନ୍ତି ।
ସୂଚନାଯୋଗ୍ୟ, ଗତ ମାର୍ଚ୍ଚ ୨୫ରେ ଦୁଇଟି ୱାର୍କଷ୍ଟେସନ୍ ଆରମ୍ଭ ହୋଇଥିବାବେଳେ ସମ୍ପ୍ରତି ୩୫ କାର୍ଯ୍ୟ କରୁଛି ବୋଲି ବିଏସ୍ସିଏଲ୍ ପକ୍ଷରୁ ସୁଚନା ଦିଆଯାଇଛି।
