ଡେସ୍କ: ଆଇଆଇଟି ମାଡ୍ରାସର ତୃତୀୟ ବର୍ଷର ବିଟେକ୍ ଛାତ୍ର ମଙ୍ଗଳବାର ଦିନ ଆତ୍ମହତ୍ୟା କରିଥିବା ପୁଲିସ କହିଛି। ମୃତକ ଜଣଙ୍କ ହେଉଛନ୍ତି ଆନ୍ଧ୍ରପ୍ରଦେଶର ବୈପୁ ପୁଷ୍ପକ ଶ୍ରୀ ସାଇ। ଆଇଆଇଟି ମାଡ୍ରାସ କ୍ୟାମ୍ପସରେ ଥିବା ତାଙ୍କ ଅଳକାନନ୍ଦ ହଷ୍ଟେଲ ରୁମରୁ ତାଙ୍କ ଝୁଲନ୍ତା ମୃତ ଦେହ ଠାବ କରାଯାଇଛି।
ଅଧିକାରୀମାନେ କହିଛନ୍ତି ଯେ ଏକ ମାସ ମଧ୍ୟରେ ଏହା ହେଉଛି ଦ୍ୱିତୀୟ ଆତ୍ମହତ୍ୟା। ପୁଲିସ ଅଧିକାରୀଙ୍କ କହିବାନୁସାରେ, ପୁଷ୍ପକ ଅପରାହ୍ନରେ କ୍ଲାସରେ ଯୋଗ ଦେଇନଥିଲେ। ତାଙ୍କ ସାଙ୍ଗମାନେ ସନ୍ଦେହ କରି ହୋଇ ତାଙ୍କ କୋଠରୀକୁ ଯାଇ ଯାଞ୍ଚ କରିଥିଲେ। କୋଠରୀ ଭିତରୁ ବନ୍ଦ ଥିଲା। ଛାତ୍ରମାନେ କୌଣସି ପ୍ରକାରେ କୋଠରୀ ଖୋଲି ତାଙ୍କୁ ଝୁଲି ଥିବାର ଦେଖିଥିଲେ।
- Advertisement -
ପୁଲିସ ଏହି ଘଟଣାର ଅନୁସନ୍ଧାନ କରୁଛି। କୋଟୁରପୁରମ୍ ପୁଲିସ ଏହି ମାମଲା ରେକର୍ଡ କରି ମୃତଦେହକୁ ରୟାପେଟ ସରକାରୀ ଡାକ୍ତରଖାନାକୁ ବ୍ୟବଚ୍ଛେଦ ପାଇଁ ପଠାଇଛି। ଏହି ଘଟଣାର ତଦନ୍ତ ପାଇଁ ଆଇଆଇଟି ମାଡ୍ରାସ ଏକ ଆଭ୍ୟନ୍ତରୀଣ ଅନୁସନ୍ଧାନ କମିଟି ଗଠନ କରିଛି।
