କଟକ: ବଳାତ୍କାର ଅଭିଯୋଗରେ ରୁଜୁ ମାମଲାକୁ ରଦ୍ଦ କରିବା ସଂକ୍ରାନ୍ତ ମାମଲାର ଶୁଣାଣି ମଙ୍ଗଳବାର ଉଚ୍ଚ ନ୍ୟାୟାଳୟରେ ହୋଇଥିଲା। ଆବେଦନକାରୀ ଅଭିଯୁକ୍ତ ଯୁବକ ଉଚ୍ଚ ନ୍ୟାୟାଳୟର ଦ୍ୱାରସ୍ଥ ହୋଇଥିଲେ। ବିଚାରପତି ସଙ୍ଗମ କୁମାର ସାହୁ ଏହି ମାମଲାର ଶୁଣାଣି ଅବସରରେ, ଯୌନ ନିର୍ଯାତନାର ପୀଡ଼ିତାଙ୍କ କୁମାରୀତ୍ୱ ପରୀକ୍ଷା ପାଇଁ କରାଯାଉଥିବା ‘ଟୁ ଫିଙ୍ଗର ଟେଷ୍ଟ’ ପରୀକ୍ଷାରୁ ନିବୃତ୍ତ ରହିବାକୁ ଉଚ୍ଚ ନ୍ୟାୟାଳୟ ସ୍ୱାସ୍ଥ୍ୟ ବିଶେଷଜ୍ଞଙ୍କୁ ନିର୍ଦେଶ ଦେଇଛନ୍ତି।
http://ଲିବ୍ୟାରେ ବନ୍ୟା: ୨ ହଜାର ମୃତ, ୧୦ ହଜାର ନିଖୋଜ
ଜଣେ ଯୁବତୀଙ୍କୁ ଅପହରଣ କରିନେଇ ବଳାତ୍କାର କରିଥିବା ଅଭିଯୋଗ ହୋଇଥିଲା। ଏହି ଘଟଣାରେ ଆବେଦନକାରୀଙ୍କ ବିରୋଧରେ ଥାନାରେ ମାମଲା ରୁଜୁ ହେବା ସହ ଭାରତୀୟ ପିଙ୍ଗଳ ଧାରା ୩୬୬ (ବିବାହ ଉଦ୍ଦେଶ୍ୟରେ ଅପହରଣ କରିବା) ଏବଂ ୩୭୬(ବଳାତ୍କାର)ରେ ଚାର୍ଜସିଟ୍ ହୋଇଥିଲା। ମାମଲାକୁ ରଦ୍ଦ କରିବା ଲାଗି ଆବେଦନକାରୀ ଉଚ୍ଚ ନ୍ୟାୟାଳୟଙ୍କ ଦ୍ୱାରସ୍ଥ ହୋଇଥିଲା। ଅଦାଲତ ଏହି ମାମଲାର ଶୁଣାଣି ଅବସରରେ ଜାଣିବାକୁ ପାଇଥିଲେ ଯେ, ଯୁବତୀ ଜଣଙ୍କୁ ପୁଲିସ୍ ଉଦ୍ଧାର କରିବା ପରେ ତାଙ୍କର ମେଡିକାଲ ପରୀକ୍ଷା କରାଯାଇଥିଲା। ସେ ବିବାହିତ କି’ ନୁହେଁ ସେ ସମ୍ପର୍କରେ ଉକ୍ତ ଯୁବତୀଙ୍କୁ ପଚରା ଯିବା ସହ ପରୀକ୍ଷା ମଧ୍ୟ ହୋଇଥିଲା। ଯୁବତୀ ଆବେଦନକାରୀଙ୍କୁ ବିବାହ କରିଥିବା ସ୍ୱୀକାର କରିଥିଲେ। ଯୁବତୀ ଜଣକ ଆବେଦନକାରୀଙ୍କ ସହ ବାରମ୍ବାର ଶାରୀରିକ ସମ୍ପର୍କ ରଖିଥିବା ଜଣାପଡ଼ିଥିଲା। ଫଳରେ ଉଚ୍ଚ ନ୍ୟାୟାଳୟ ଆବେଦନକାରୀଙ୍କ ବିରୋଧରେ ରୁଜୁ ମାମଲାକୁ ରଦ୍ଦ ପାଇଁ ନିର୍ଦେଶଦେଇଛନ୍ତି; କିନ୍ତୁ ଏହି ମାମଲାର ଶୁଣାଣି ଅବସରରେ ପୀଡ଼ିତାଙ୍କୁ ପରୀକ୍ଷା କରିଥିବା ଡାକ୍ତରଙ୍କ ମତ ଲୋଡ଼ିଥିଲେ।
ଅଦାଲତ ତାଙ୍କ ରାୟରେ କହିଛନ୍ତି, ଜଣେ ଶାରୀରିକ ସମ୍ପର୍କ ରଖିଥିବା ମହିଳା ମଧ୍ୟ ବଳାତ୍କାର ଶିକାର ହୋଇପାରିବେ। ତେଣୁ ଜଣେ ଯୁବତୀଙ୍କର କୁମାରୀତ୍ୱ ଅଛି କି’ ନାହିଁ ତାହା ଜାଣିବା ଲାଗି ଏଭଳି ପରୀକ୍ଷାର କୌଣସି ଆଇନଗତ ଆବଶ୍ୟକତା ନାହିଁ। ଏପରି ପରୀକ୍ଷାରୁ ବିରତ ରହିବାକୁ ଉଚ୍ଚ ନ୍ୟାୟାଳୟ ଏହି ଅବସରରେ ସ୍ୱାସ୍ଥ୍ୟ ବିଶେଷଜ୍ଞମାନଙ୍କୁ ନିର୍ଦେଶ ଦେଇଛନ୍ତି।
